એન્ફોર્સમેન્ટ ડિરેક્ટોરેટ (ED)એ આજે મોટી કાર્યવાહી હાથ કરી છે. તપાસ એજન્સીએ WTC બિલ્ડર અને ભૂટાની ગ્રુપ સાથે જોડાયેલા 12 સ્થળોએ દરોડા પાડ્યા છે. આ દરોડા દિલ્હી, નોઈડા, ફરીદાબાદ અને ગુરુગ્રામમાં પડ્યા હતા. કહેવામાં આવી રહ્યું છે કે, રોકાણકારો સાથે છેતરપિંડીના કેસમાં આ કાર્યવાહી કરવામાં આવી છે.

એવું કહેવામાં આવી રહ્યું છે કે ED WTC બિલ્ડર, તેના પ્રમોટર આશિષ ભલ્લાની ઓફિસો અને ભૂટાની ગ્રુપના 12 સ્થળોએ તપાસ કરી રહી છે. આ સ્થળો દિલ્હી, નોઈડા, ફરીદાબાદ અને ગુરુગ્રામમાં છે. WTC ગ્રુપ ફરીદાબાદ, નોઈડા અને આસપાસના વિસ્તારોમાં ઘણા પ્રોજેક્ટ્સ ચલાવી રહ્યું છે. એવો આરોપ છે કે જૂથે રોકાણકારો પાસેથી રૂ. 1,000 કરોડથી વધુ રકમ એકઠી કરી છે અને છેલ્લા 10-12 વર્ષમાં પ્રોજેક્ટ્સ પૂર્ણ થયા નથી. આ કેસમાં ફરીદાબાદ પોલીસ અને EOW દિલ્હી દ્વારા WTC બિલ્ડર, આશિષ ભલ્લા, ભૂટાની ગ્રુપ વિરુદ્ધ અનેક FIR દાખલ કરવામાં આવી છે. હવે આ મામલે EDએ આ કાર્યવાહી કરી છે.

મળતી માહિતી પ્રમાણે અધિકારીઓને ટાંકીને જણાવ્યું હતું કે, EDના ગુરુગ્રામ કાર્યાલયે મની લોન્ડરિંગ નિવારણ અધિનિયમ (PMLA) ની જોગવાઈઓ હેઠળ દિલ્હી, નોઈડા (ઉત્તર પ્રદેશ) અને ફરીદાબાદ અને ગુરુગ્રામ (હરિયાણા)માં લગભગ એક ડઝન પરિસરમાં દરોડા પાડ્યા હતા. જોકે, ભૂટાની જૂથના પ્રતિભાવની રાહ જોવાઈ રહી છે ત્યારે WTC બિલ્ડરનો તાત્કાલિક સંપર્ક થઈ શક્યો નથી.