દ્વારકા જિલ્લામાં ઓખા નગરપાલિકાને સૌથી વધુ 6 કરોડની ફાળવણી: જિલ્લાની અન્ય પાંચ નગરપાલિકાને 3 થી 4.50 કરોડની ફાળવણી

દેવભૂમિ દ્વારકા જિલ્લા સહિત રાજ્યની 158 નગરપાલિકાને આંતર માળખાકીય વિકાસના કામો માટે ગુજરાત મ્યુનિસિપલ ફાઈનાન્સ બોર્ડ દ્વારા ગ્રાન્ટની ફાળવણી કરવામાં આવી છે. જેમાં ઓખા નગરપાલિકાને સૌથી વધુ 6 કરોડ રૂપિયા ફાળવ્યા છે. જ્યારે જિલ્લાની અન્ય પાંચ નગરપાલિકાને ત્રણ થી 4.50 કરોડ રૂપિયાની ફાળવણી કરવામાં આવી છે.

ગુજરાત મ્યુનિસિપલ ફાઇનાન્સ બોર્ડ દ્વારા રાજ્યની 158 નગરપાલિકામાં અંતર માળખાકીય વિકાસના કામો માટે કુલ રૂપિયા 387.3075 કરોડની ફાળવણી કરવામાં આવી છે. તેમાં દેવભૂમિ દ્વારકા જિલ્લાની ઓખા નગરપાલિકાને 6 કરોડ રૂપિયા ફાળવવામાં આવ્યા છે. જે દ્વારકા જિલ્લાની છ નગરપાલિકામાં સૌથી વધુ છે. જ્યારે જિલ્લાની જામખંભાળિયા, દ્વારકા, સલાયા નગરપાલિકાને 4.50 કરોડ અને ભાણવડ તથા જામ રાવલ નગરપાલિકાને રૂપિયા ત્રણ કરોડની ફાળવણી કરવામાં આવી છે. ત્યારે આગામી દિવસોમાં આ ગ્રાન્ટમાંથી વિકાસના કયા કાર્યો કરવામાં આવશે તે જોવાનું રહ્યું.