મહાકુંભ હવે ફક્ત ભારતીય કાર્યક્રમ નથી રહ્યો, તે એક વૈશ્વિક ઉત્સવ બની ગયો છે. બ્રાઝિલ, જર્મની, જાપાન, ઈંગ્લેન્ડ, અમેરિકા અને સ્પેન જેવા દેશોમાંથી પણ શ્રદ્ધાળુઓ પ્રયાગરાજ પહોંચવા લાગ્યા છે. આ ઘટના હવે આંતરરાષ્ટ્રીય સ્તરે સનાતન સંસ્કૃતિના વધતા પ્રભાવને દશર્વિે છે. ખાસ વાત એ છે કે પાકિસ્તાન અને આરબ સહિત ઇસ્લામિક દેશો પણ મહાકુંભમાં રસ દાખવી રહ્યા છે.
ગુગલ ટ્રેન્ડ્સ અનુસાર, ઇસ્લામિક દેશોમાં મહાકુંભના આયોજનને ખૂબ સર્ચ કરવામાં આવી રહ્યું છે. પહેલું નામ પાકિસ્તાનનું છે. પાકિસ્તાન બાદ, કતાર, યુએઈ અને બહેરીન જેવા દેશોએ મહાકુંભમાં ઊંડો રસ દાખવ્યો છે. આ ઉપરાંત, નેપાળ, સિંગાપોર, ઓસ્ટ્રેલિયા, કેનેડા, આયર્લેન્ડ, યુકે, થાઇલેન્ડ અને યુએસએ જેવા દેશોના લોકો પણ મહાકુંભ વિશે વાંચી રહ્યા છે અને સર્ચ કરી રહ્યા છે.
મહાકુંભના પ્રથમ અમૃત સ્નાન પ્રસંગે, સોશિયલ મીડિયા પ્લેટફોર્મ એક્સ પર મહા કુંભ અમૃત સ્નાન હેશટેગ ખૂબ જ ટ્રેન્ડમાં રહ્યું. હજારો યુઝર્સે મહાકુંભ દરમિયાન લીધેલા ફોટા, વીડિયો અને માહિતી શેર કરી. સોશિયલ મીડિયા પર, લોકોએ મહાકુંભ માટે કરવામાં આવેલી વ્યવસ્થા, મોટી સંખ્યામાં ભક્તો, સંગમ સ્નાન અને પોતાના ફોટા વિશે ઘણું બધું શેર કર્યું.