રાજકોટ ટીઆરપી ગેમઝોન અિકાંડમાં વોન્ટેડ આરોપી ધવલ ભરતભાઇ ઠકકરનો ક્રાઇમબ્રાંચએ બનાસકાંઠા એલસીબી પાસેથી કબજો મેળવી રિમાન્ડ માટેની તજવીજ હાથ ધરી છે. આરોપીને આજે બપોર બાદ કોર્ટમાં રજૂ કરવામાં આવશે.

શનિવારે અિકાંડની ઘટના બન્યાની સાથે ત્રણ આરોપીઓ યુવરાજસિંહ સોલંકી, રાહુલ રાઠોડ અને મેનેજર નિતિન જૈનની ધરપકડ કરી ગઇકાલે ક્રાઇમબ્રાંચે ત્રણેયના ૧૪ દિવસના રિમાન્ડ મેળવ્યા છે. ત્રણેય આરોપીઓ રિમાન્ડના ૨૪ કલાક બાદ હજી પોલીસ પાસે સમગ્ર કાંડની કોઇ સ્પષ્ટ્રતા કે મો ન ખોલતા હોવાનું જાણવા મળે છે. અન્ય વોન્ટેડ આરોપીઓની શોધખોળ કરીને ધવલ કોર્પેારેશનના નામે રજીસ્ટ્રેશન કરાવનાર ઓન પેપર મુખ્ય સૂત્રધાર જેવો ગણાતો ધવલ ઠકકર આબુ રોડ પરથી ગત રોજ બનાસકાંઠા એલસીબીના હાથે પકડાયો હતો. તપાસનીશ એજન્સી રાજકોટ ક્રાઇમબ્રાંચ આજે રાજકોટ પહોંચી હતી. ધવલના નામે પેઢી રજીસ્ટ્રેશન થયેલી છે. જેના દસ્તાવેજો મેળવવા તેમજ અન્ય આરોપીઓ વિશેની તથા તપાસ બાબતની માહિતી એકત્રીત કરવા માટે ધવલને આજે બપોર બાદ રિમાન્ડ માટે કોર્ટમાં રજૂ કરવામાં આવશે. બીજી તરફ સમગ્ર અિકાંડમાં બેદરકાર નહીં પરંતુ સાવ આંધળીભીત રહેલી મહાપાલિકા પાસેથી ક્રાઇમ બ્રાંચે તપાસ અર્થે જરૂરી દસ્તાવેજી પુરાવાઓ માગ્યા હોવાનું જાણવા મળે છે