જામનગર શહેરના વોર્ડ નં.૧૨ માં આવેલ ગરીબ નવાઝ-૨ સોસાયટીમાં સતત પાંચ મહિના થી ચાલતા રૂ. ૨ કરોડના ખર્ચે  કુલ ૧૦ શેરીઓમાં ભૂગર્ભ ગટરનું કામ આજરોજ પુરુ થયેલ છે. સ્થાનિક રહેવાસીઓની સમસ્યાનો કાયમી ધોરણે અંત આવેલ છે.
આ કામ પૂર્વ વિપક્ષી નેતા તેમજ વોર્ડ નં.૧૨ નગરસેવક અસલમભાઇ ખીલજી, નગરસેવિકા વકીલ જેનબબેન ખફી અને હાજી રિઝવાનભાઇ જુણેજા ની રાહબરી દ્વારા કરવામાં આવ્યું હતું.
આ તકે ગરીબ નવાઝ - ૨ સોસાયટી ના પ્રમુખ ઇકબાલભાઇ ઉનડ, અશરફભાઇ સમા, નઝીર પટેલ (પટણી), વસીમભાઇ સુમરા સહિતના આગેવાનો તેમજ સ્થાનિક રહેવાસીઓ દ્વારા આ ત્રણેય નગરસેવકો અસલમભાઇ, જેનબબેન તથા હાજી રિઝવાનભાઇનો આભાર વ્યક્ત કરીને બિરદાવવામાં આવ્યા હતા.