આગામી દિવસોમાં દેશમાં ટૂંક સમયમાં ત્રણ નવા ફ્રેઇટ કોરિડોર બનવા જઈ રહ્યા છે. બે પૂર્વ કોરિડોર અને ત્રીજો ઉત્તર દક્ષિણ કોરિડોર ડેડિકેટેડ ફ્રેઇટ કોરિડોર દ્વારા બનાવવામાં આવનાર છે. ત્રણેય કોરિડોરની કુલ લંબાઈ 4315 કિલોમીટર હશે, જેના માટે ડીપીઆર તૈયાર કરવામાં આવ્યો છે.આ કોરિડોર 7 રાજ્યોના 57 જિલ્લામાંથી પસાર થઈ રહ્યો છે, જેના મોટા ભાગ પર ટ્રેનોનું સંચાલન શરૂ થઈ ગયું છે. આ સાથે લુધિયાણાથી સોનનગરને જોડતો 1337 કિલોમીટર લાંબો ઈસ્ટર્ન કોરિડોર સંપૂર્ણ રીતે પૂર્ણ થઈ ગયો છે. રવિન્દ્ર કુમારે દાવો કર્યો હતો કેઆ કોરિડોરના નિમર્ણિને કારણે નૂર પરિવહનમાં 50 ટકા સુધીનો સમય બચી રહ્યો છે.ડીએફસીસીના એમડી રવિન્દ્ર કુમારે કહ્યું કે ખડગપુર વિજયવાડા કોરિડોરને પૂર્વ કોરિડોર હેઠળ નક્કી કરવામાં આવ્યો છે. આ કોરિડોરની લંબાઈ 1078 કિલોમીટર હશે. પાલઘર અને ભુસાવલ અને ડાનકુની વચ્ચે પૂર્વ કોરિડોર હેઠળ બીજો કોરિડોર બનશે.આ કોરિડોરની લંબાઈ 2106 કિલોમીટર હશે. તેમણે કહ્યું કે ત્રીજો કોરિડોર ઇટારસી વિજયવાડા વચ્ચે બનાવવામાં આવશે. તેની લંબાઈ માત્ર 200 કિલોમીટર હશે. એમડી રવિન્દ્ર કુમારે જણાવ્યું હતું કે પશ્ચિમ કોરિડોરમાં 96.4% કામ પૂર્ણ થઈ ગયું છે, જે દાદરીથી જેએનપીટી સુધી 1506 કિલોમીટર લાંબો કોરિડોર બનાવવામાં આવી રહ્યો છે. તેમણે કહ્યું કે આ કોરિડોર ડિસેમ્બર 2025 સુધીમાં સંપૂર્ણ રીતે તૈયાર થઈ જશે.