ખંભાળિયા ખાતે આવેલી  દેવભૂમિ દ્વારકા જિલ્લા સહકારી સંઘ લી.ખંભાળિયાના વ્યવસ્થાપક સમિતિના સભ્યોની સામાન્ય ચૂંટણી માટે ચૂંટણી કાર્યક્રમ પ્રસિદ્ધ કરવામાં આવ્યો છે.  ચૂંટણી સત્તાધિકારી અને પ્રાંત અધિકારીશ્રી ખંભાળિયાની યાદીમાં જણાવ્યા અનુસાર તા.૦૭/૦૫/૨૦૨૫ સુધી જાહેર રજા સિવાયના દિવસમાં સવારે ૧૧ થી બપોરે ૩ સુધીમાં ઉમેદવારીપત્ર સ્વિકારવામાં આવશે. તા.૦૭/૦૫/૨૦૨૫ સુધી સાંજે ૫ કલાકે મળેલ ઉમેદવારીપત્રોની યાદી પ્રસિધ્ધ કરવામાં આવશે.


ઉમેદવારીપત્રોની ચકાસણી તા.૦૯/૦૫/૨૦૨૫ ના રોજ ૧૧-૦૦ કલાકથી કાર્યવાહી પૂર્ણ થતાં સુધી કરવામાં આવશે. માન્ય ઉમેદવારીપત્રોની યાદીની પ્રસિધ્ધિ તા.૧૨/૦૫/૨૦૨૫ ના રોજ બપોરે ૩ વાગ્યે કરાશે. ઉમેદવારીપત્રો પાછા ખેંચવાની પ્રક્રિયા માટેનો સમય તા.૧૩/૦૫/૨૦૨૫ થી તા.૧૭/૦૫/૨૦૨૫ સવારે ૧૧ થી બપોરે ૩ દરમ્યાનનો રહેશે. તા.૧૯/૦૫/૨૦૨૫ ના રોજ સવારે ૧૧ વાગ્યે હરીફ ઉમેદવારોની આખરીયાદી પ્રસિધ્ધ કરવામાં આવશે.