આ વરસાદી ઋતુમાં ઘણી બીમારીઓ અને સિઝનલ ફ્લૂનો ખતરો પણ વધી જાય છે. તેથી માત્ર રોગપ્રતિકારક શક્તિ વધારવી જ જરૂરી નથી. આ સિવાય શરીરને અંદરથી સાફ કરવું પણ જરૂરી છે અને આ માટે ડિટોક્સ ડ્રિંક્સ પીવું ફાયદાકારક છે. શરીરમાં એકઠા થયેલા ટોક્સીનના કારણે બીમાર પડવાની શક્યતા વધી જાય છે અને ખાસ કરીને ચોમાસાના ભેજવાળા વાતાવરણમાં સ્વાસ્થ્યનું ધ્યાન રાખવાની જરૂર છે.
શરીરમાં એકઠા થયેલા ટોક્સીનને દૂર કરવા માટે ઘરે કેટલાક ડિટોક્સ ડ્રિંક બનાવી શકો છો. આ પીણાંને રોજીંદી દિનચર્યામાં પીવાથી એકંદરે સ્વાસ્થ્યને ફાયદો થાય છે અને તમારી ત્વચા પણ સ્વસ્થ રહે છે. આ ઉપરાંત ઘણી ગંભીર બીમારીઓથી પણ સુરક્ષિત રહી શકો છો. જાણો આ 3 પ્રકારના ડિટોક્સ ડ્રિંક્સ કેવી રીતે બનાવી શકાય.
લીંબુ, ફુદીનો અને કાકડી
ડીટોક્સ ડ્રિંક અથવા આપણે કહીએ કે ડીટોક્સ વોટર તૈયાર કરવું બહુ મુશ્કેલ કામ નથી. આ માટે એક કાચની બરણી લો અને તેને ફિલ્ટર કરેલ પાણીથી ભરો. આ પાણીમાં લીંબુના ટુકડા, ફુદીનાના પાન, કાકડીના ટુકડા નાખીને એક રાત એટલે કે ઓછામાં ઓછા 12 કલાક સુધી રાખો. આ પાણીને સવારે ગાળીને પી શકો છો. ફુદીનો પાચનમાં સુધારો કરે છે અને ખીલને ઘટાડવામાં મદદ કરે છે. જ્યારે લીંબુમાં વિટામીન-સીની વિપુલ માત્રા રોગપ્રતિકારક શક્તિને વેગ આપે છે. કાકડીમાં ત્વચા, બીપી નિયંત્રણ, પાચન સુધારણા વગેરે જેવા ફાયદા પણ છે.
આદુ, લીંબુ અને કાચી હળદર
ડિટોક્સ ડ્રિંક તૈયાર કરવા માટે આદુ અને કાચી હળદરને ધોઈ લો અને તેને કાચની બરણીમાં રાખેલા પાણીમાં નાખો. આ સાથે લીંબુના ટુકડા પણ ઉમેરો. તેને આખી રાત રહેવા દો અને સવારે ડિટોક્સ ડ્રિંક તૈયાર થઈ જશે. આદુ, હળદર અને લીંબુનું આ પીણું રોગપ્રતિકારક શક્તિ વધારશે. આ સિવાય વાઇરલ ઇન્ફેક્શન સામે રક્ષણ આપશે અને ત્વચા સાથે સ્વસ્થ રહેશે.
તુલસીનો છોડ, સફરજન અને તજ
આ જ રીતનું પુનરાવર્તન કરીને તુલસીના પાન, સફરજન અને તજનો પાવડર પાણીમાં નાંખો અને લગભગ 10 થી 12 કલાક માટે છોડી દો અને તૈયાર કરેલ ડીટોક્સ પીણું ગાળીને પીવો. તુલસી તણાવ સામે લડવાનું કામ કરે છે અને શ્વસન સંબંધી સમસ્યાઓથી બચાવે છે. આ સિવાય તજ શરીરને ઓક્સિડેટીવ નુકસાનથી બચાવે છે. તેમાં હાજર એન્ટિફંગલ અને એન્ટિવાયરલ ગુણધર્મો ચેપ સામે લડે છે. સફરજનનું પાણી પાચનમાં સુધારો કરે છે અને હૃદયને પણ સ્વસ્થ રાખે છે. આ પીણું પીવાથી એનર્જી પણ વધશે. આ ત્રણેય પીણાં ખૂબ જ ફાયદાકારક છે અને વજન ઘટાડવામાં પણ મદદરૂપ છે.
લાઈક અને ફોલો કરો અમારું ફેસબુક પેજ FACEBOOK - AAJKAALDAILY
ફોલો કરો અમારું ઇન્સ્ટાગ્રામ INSTAGRAM - AAJKAALDAILY
સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY
મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230
View News On Applicationકોલકાત્તા દુષ્કર્મ કેસ: આરજી કર હોસ્પિટલના જુનિયર ડોક્ટરોની હડતાળ સમાપ્ત
September 19, 2024 10:58 PM'તમામ હદ પાર', હિઝબુલ્લા ચીફની ધમકી બાદ પણ ન માન્યું ઇઝરાયેલ, બેરુતને હચમચાવી નાખ્યું
September 19, 2024 10:15 PMતિરુપતિ મંદિરના પ્રસાદમાં જાનવરોની ચરબી, લેબ રિપોર્ટમાં ખુલાસો, ફિશ ઓઈલ મેળવવાની પુષ્ટિ
September 19, 2024 10:13 PMબાંગ્લાદેશ હિંસામાં નવ લઘુમતીઓના મોત, 69 પૂજા સ્થાનો પર તોડફોડ, ચોંકાવનારા આંકડા આવ્યા સામે
September 19, 2024 10:12 PMCopyright © 2023-2024 Aajkaal Daily
Developed by Rhythm Infotech