કુંભનાથપરા પુલ પાસે પોલીસ પ્રગટી : રોકડ અને ગંજીપત્તા કબ્જે

કાલાવડના કુંભનાથપરાના પુલ પાસે જાહેરમાં તિનપતીનો જુગાર રમતી ચાર મહિલાઓની રોકડ સાથે અટકાયત કરવામાં આવી હતી.
કાલાવડ તાલુકાના કુંભનાથપરાના પુલ પાસે જુગાર રમાય છે એવી બાતમીના આધારે ટાઉન પોલીસે દરોડો પાડયો હતો જેમાં જાહેરમાં તિનપતીનો જુગાર રમતી કુંભનાથપરાની મુમતાજબેન મુસા ગબોલ, વેલનાથચોકમાં રહેતી હંસાબેન દિનેશ રાઠોડ, રંજનબેન રમેશ મકવાણા અને કુંભનાથપરાના જોશનાબેન નાથા સોલંકી નામની ચાર મહિલાઓને રોકડા રુા. ૨૭૨૦ અને ગંજીપતા સાથે અટકાયત કરી હતી.