અમરેલીથી જામનગર મુકાયા: સરકાર દ્વારા બઢતી-બદલીના આદેશ થયા: સબ રજીસ્ટ્રાર કચેરીમાં પણ બદલીનો દૌર

જામનગર જિલ્લા પંચાયતના ડેપ્યુટી ડીડીઓ તરીકે અમરેલી ફરજ બજાવતા સુ.શ્રી.દિપા એચ.કોટકની નિમણુંક કરવામાં આવી છે, રાજયના પંચાયત ગ્રામ ગૃહ નિમર્ણિ અને ગ્રામ વિકાસ દ્વારા કેટલાક નાયબ જિલ્લા વિકાસ અધિકારીની નિમણુંક કરવામાં આવી છે.

આ ઉપરાંત સિનીયર કલાર્ક તરીકે ફરજ બજાવતાં 18 કર્મચારીઓની બદલીના આદેશો પણ કરાયા છે જેમાં દેવભુમિ દ્વારકા જિલ્લામાં રજીસ્ટ્રાર કચેરીમાં કામ કરતા અધિક્ષક એસ.એમ.કેશવાલાને પોરબંદર, દ્વારકા જિલ્લામાં મદદનીશ સહકારી અધિકારી એન.કે.જોશીને સિનીયર કલાર્ક, જિલ્લા રજીસ્ટ્રાર સહકારી મંડળી જામનગર, એ.આર.કોયાણીને રાજકોટ મુકવામાં આવ્યા છે.