જામનગરમાં ૧૪૦૪ આવાસ યોજનાના બે જર્જરિત બ્લોકનું બાંધકામ તોડી પાડવા માટે ગઈકાલે મહાનગરપાલિકા દ્વારા ઓપરેશન ડીમોલિશન  કામગીરી  કરવામાં આવી હતી.

જામનગરમાં અંધાશ્રમ પાસેની ૧૪૦૪ આવાસ યોજનાના મકાનો જર્જરિત બન્યા હોવાથી મહાનગરપાલિકા દ્વારા રહેવાસીઓને સમજાવટથી મકાન  ખાલી કરાવાઈ રહ્યું છે અને આજે બે બ્લોકના ર૪ જર્જરિત ફલેટ તોડી પાડવા માટે મહાનગરપાલિકાની એસ્ટેટ શાખા દ્વારા પાડતોડ કામગીરી  કરવામાં આવી હતી. 

થોડા સમય પહેલા પણ બે બ્લોક ના ર૪ ફલેટ તોડી પાડવા માં આવ્યા હતાં. જ્યારે આજે વધુ ર૪ ફલેટ તોડી પાડવા માં આવ્યા હતા. જામનગર મહાનગરપાલિકા ના અધિકારી સુનિલ ભાનુશાળી, અનવર ગજણ સહિત ના દેરખેર હેઠળ પાડતોડ કામગીરી કરવામાં આવી હતી.