અમેરિકાના કેલિફોર્નિયાના લોસ એન્જલસમાં લાગેલી આગ સતત ફેલાઈ રહી છે. આગને કારણે 11 લોકોએ જીવ ગુમાવ્યા છે, જ્યારે લાખો લોકો બેઘર બન્યા છે. હોલીવુડની અનેક હસ્તીઓના ઘર પણ બળીને રાખ થઈ ગયા છે. કેલિફોર્નિયાના જંગલોમાં આગ શા માટે લાગી અને તે કેવી રીતે ફેલાઈ તે અંગે વિવિધ સમજૂતીઓ છે, ઘણા લોકો ફાયર વિભાગમાં વિવિધતા, સમાનતા અને સમાવેશ (ડીઈઆઈ)ને દોષી ઠેરવી રહ્યા છે. ટેસ્લાના સીઈઓ ઈલોન મસ્ક અને બિલ એકમેને પણ આ વિશે પોસ્ટ કરી છે. દરમિયાન, નવા ચૂંટાયેલા રાષ્ટ્રપતિ ડોનાલ્ડ ટ્રમ્પે જંગલની આગ માટે ડેલ્ટા સ્મેલ્ટ નામની નાની માછલીને જવાબદાર ઠેરવી છે. મસ્કે અનેક વીડિયો પોસ્ટ કયર્િ છે જેમાં તેમણે જંગલની આગના ફેલાવા માટે ફાયર વિભાગના ડીઈઆઈ પહેલને જવાબદાર ઠેરવ્યા છે. મસ્કે વિભાગની કામ કરવાની રીતની પણ ટીકા કરી અને કહ્યું કે ડીઈઆઈનો અર્થ લોકો મરી જાય છે. અમેરિકાના નવા ચૂંટાયેલા રાષ્ટ્રપતિ ડોનાલ્ડ ટ્રમ્પે તેમના ટ્રુથ સોશિયલ હેન્ડલ પર ડેલ્ટા સ્મેલ્ટ ફિશને લઈને ગવર્નર ગેવિન ન્યૂસમ પર પ્રહારો કયર્.િ ટ્રમ્પે કહ્યું કે કેલિફોર્નિયાના લોકોને ઓછું પાણી આપીને સ્મેલ્ટ નામની નકામી માછલીને બચાવવા માટે તેમને ધ્યાનમાં લેવામાં આવ્યા ન હતા અને આજે દરેક વ્યક્તિ તેના પરિણામો જોઈ રહ્યા છે.
ટ્રમ્પે કહ્યું કે આ આપત્તિ સ્વયંભૂ હતી. તેમણે કહ્યું, હું આ નકામા ગવર્નર પાસેથી માંગ કરું છું કે કેલિફોર્નિયામાં સ્વચ્છ અને મીઠા પાણીનો પ્રવાહ વહેવા દેવામાં આવે. આજે ફાયર હાઇડ્રેન્ટ્સ માટે પાણી નથી અને ફાયર ફાઇટીંગ વિમાનો માટે પાણી નથી. ટ્રમ્પ અને ઘણા નિષ્ણાતો દાવો કરે છે કે સેક્રામેન્ટો-સાન જોક્વિન ડેલ્ટામાં લુપ્તપ્રાય ડેલ્ટા માછલીઓને બચાવવા માટે રચાયેલ નિયમો પાણી પમ્પિંગને પ્રતિબંધિત કરે છે. ટ્રમ્પ કહે છે કે આનાથી અગ્નિશામકોને પાણી સુધી પહોંચવામાં મુશ્કેલી પડી રહી છે. સ્થાનિક અધિકારીઓના જણાવ્યા અનુસાર વધુ માંગને કારણે ત્રણ પાણીની ટાંકીઓ અને કેટલાક હાઇડ્રેન્ટ કામચલાઉ ધોરણે સુકાઈ ગયા હતા. જેના કારણે આગ પર કાબુ મેળવવામાં મુશ્કેલી પડી રહી છે. ટ્રમ્પે અગાઉ ઘણી વખત લોસ એન્જલસની આસપાસના જંગલોમાં લાગેલી આગના જોખમો વિશે ચચર્િ કરી છે. ટ્રમ્પે પોડકાસ્ટર જો રોગન સાથેની એક મુલાકાતમાં કહ્યું હતું કે લોસ એન્જલસમાં પૂરતું પાણી મળી શકતું નથી, પરંતુ રાજ્યની વરસાદી પાણીને કચરામાં જવા દેવાની પ્રથાની ટીકા કરી હતી જેનો ઉપયોગ આગને કાબુમાં લેવા માટે થઈ શકે છે. તેમણે કહ્યું કે નાની માછલીને બચાવવા માટે, ઉત્તરથી પાણી પ્રશાંત મહાસાગરમાં નાખવામાં આવે છે. લાખો અને લાખો ગેલન પાણીનો બગાડ થાય છે.