રાજકોટ, લોધિકા અને પડધરી તાલુકાના ૧૮૦ ગામોનું વિશાળ કાર્યક્ષેત્ર ધરાવતા રાજકોટના બેડી યાર્ડમાં તમામ જણસીઓની આવકમાં ભારે ઘટાડો નોંધાયો છે. હાલમાં લગાળો, આકરો તાપ અને સીઝન પૂર્ણ થવા આવતા યાર્ડમાં આવતા ખેડૂતોની સંખ્યા ઘટી ગઇ છે.
વિશેષમાં રાજકોટના બેડી માર્કેટ યાર્ડના વેપારી વર્તુળોએ જણાવ્યું હતું કે હવે ઘઉં અને મસાલાની સીઝન પૂર્ણ થવા આવી છે તદઉપરાંત હાલમાં લગાળો હોય તેમજ ઉનાળાનો આકરો તાપ વરસતા યાર્ડમાં આવતા ખેડૂતોની સંખ્યા પચાસ ટકા થઇ ગઇ છે. અનાજ, કઠોળ અને તેલીબિયાં સહિતની તમામ જણસીની આવકમાં નોંધપાત્ર ઘટાડો થયો છે. ફકત જણસીઓની આવકમાં જ ઘટાડો થયો છે તેવું નથી પરંતુ લેવાલીમાં પણ ઘટાડો નોંધાયો છે, યારે બજારભાવ સ્થિર જળવાયેલા રહ્યા છે. બીજી બાજુ જુના માર્કેટ યાર્ડ સંકુલ ખાતે કાર્યરત શાકભાજી વિભાગમાં પણ ઉનાળાને કારણે તમામ શાકભાજીની સ્થાનિક આવકો અડધી થઇ ગઇ છે અને આંતરજિલ્લા તેમજ આંતર રાય આવકો શ થઇ છે. શાકભાજીની તુલનાએ હાલમાં કેરી, તરબૂચ, સાકર ટેટી અને દ્રાક્ષ સહિતના ફળફળાદિની આવકોમાં સતત વધારો થઇ રહ્યો છે.