ભાવનગર શહેરના કુંભારવાડા વિસ્તારમાં અચાનક એક નીલગાય ભૂલી પડી આવી ચડી હતી. ભાવનગર જિલ્લાના ભાલ પંથકમાં કાળીયાર હરણ અને નીલગાય જેવા પશુ પક્ષીઓ મોટી સંખ્યામાં વસવાટ કરે છે. ત્યારે કુંભારવાડા શહેરના છેવાડામાં આવેલો વિસ્તાર છે. જેના લીધે ભાલ પંથકમાં વસવાટ કરતા પશુઓ અંદર સુધી આવી ચડે છે. ત્યારે શહેરના કુંભારવાડામાં એક નીલગાય અચાનક ભૂલી પડી જતા ગુજરાત હાઉસિંગ બોર્ડ વિસ્તારમાં ઘુસી ગઈ હતી. જંગલી પ્રાણીઓ ખોરાક, પાણીનો શોધ માટે છેક શહેરી કે ગ્રામ્ય વિસ્તારમાં ઘુસી જાય છે. ત્યારે વાડી, ખેતરોમા વિચરણ કરનાર નીલગાય રહેણાંક વિસ્તારમા આવી ચડી હતી. જોકે નીલગાયને જોઈને બાળકો અને લોકોમાં કુતુહલ ફેલાયું હતું. અને લોકોના ટોળે ટોળાં એકઠા થયા હતા. જયારે પોતાના ઝુંડથી અલગ પડી ગયેલી નીલગાય આમથી આમ ભટકવા લાગી હતી. જોકે નીલગાય અંગે સ્થાનિક આગેવાનોએ વન વિભાગને જાણ કરાઈ હતી. ત્યારે વન વિભાગ તાત્કાલિક કુંભારવાડા ખાતે દોડી આવ્યું હતું. અને નીલગાયનું રેસ્ક્યુ કરી સલામત સ્થળે મૂકી મુકવા લઇ ગયા હતા.