આગામી તારીખ ૨૫ સુધી ગરમીમાં કોઈ પ્રકારની રાહત મળે તેમ નથી તેવી વાત હવામાન ખાતાએ તેમના બુલેટિનમાં કરી છે. દરમિયાનમાં મંગળવારે અમરેલી સુરેન્દ્રનગર અમદાવાદ અને ગાંધીનગરમાં મહત્તમ તાપમાન નો પારો ૪૫ ડિગ્રીને પાર કરી ગયો છે. સૌથી ઐંચું તાપમાન સુરેન્દ્રનગરમાં ૪૫.૪ ડિગ્રી નોધાયું છે. અમરેલી અને ગાંધીનગરમાં ૪૫ તથા અમદાવાદમાં ૪૫.૨ ડિગ્રી મહત્તમ તાપમાન રહ્યું છે.
રાયના અન્ય શહેરોના મહત્તમ તાપમાન પર નજર કરીએ તો મંગળવારે રાજકોટમાં ૪૩.૭ ભાવનગરમાં ૪૩.૮ ભુજમાં ૪૨.૬ ડિગ્રી મહત્તમ તાપમાન રહ્યું હતું. વડોદરા છોટાઉદેપુર દાહોદ ડાંગ ડીસા નર્મદા અને સુરતમાં પણ ૪૨ થી ૪૪.૬ ડિગ્રી સુધી તાપમાન નોંધાયું છે.
તાપમાનનો આજે જાણે નવો રેકોર્ડ સ્થપાવાનો હોય તેમ સવારથી જ રાયભરમાં લઘુતમ તાપમાન સામાન્યથી બે ડિગ્રી જેટલું ઉચ્ચકાયું છે. રાજકોટમાં ગઈકાલે સવારનું લઘુતમ તાપમાન ૨૪.૮ ડિગ્રી હતું કે આજે સવારે વધીને ૨૬.૨ ડિગ્રી થઈ ગયું છે અને ગણતરીના કલાકોમાં જ સવારે ૮:૩૦ વાગ્યે લઘુતમ તાપમાનનો પારો ૩૧.૬ ડિગ્રી પહોંચી ગયો હતો. રાયના તમામ શહેરોમાં સવારથી જ ગરમી એ જોર પકડું છે.
આજે સતત બીજા દિવસે દ્રારકામાં સવારે ભેજનું પ્રમાણ ૯૧ ટકા રહ્યું હતું. આકાશમાં ભેજવાળા વાદળો છવાયા છે. ઓખામાં ૭૯ પોરબંદરમાં ૮૦ રાજકોટમાં ૬૩ વેરાવળમાં ૮૫ અને દમણમાં ૮૪% ભેજ આજે સવારે નોંધાયો છે