પોરબંદરના સુભાષનગર વિસ્તારમાં અને જાવરમાં પરપ્રાંતીયોને મકાન ભાડે આપનાર મહિલા અને યુવાને તે અંગેની જાણ પોલીસને કહી કરતા બંનેની સામે ગુન્હો દાખલ થયો છે.સુભાષનગરમાં પીપરેશ્ર્વર મહાદેવ મંદિર પાસે રહેતા ભારતીબેન રમેશ સોનેરી નામના ૫૩ વર્ષના મહિલાએ જાવર ગામે સોસાયટી વિસ્તારમાં આવેલ પોતાનુ મકાન પરપ્રાંતીયોને ભાડે આપ્યુ હતુ અને તેની જાણ પોલીસને નહી કરતા જાહેરનામાના ભંગ બદલ હાર્બર મરીન પોલીસે ગુન્હો નોંધ્યો છે. એ જ રીતે બોખીરાના રીલાયન્સ પેટ્રોલપંપ પાછળ રહેતા દિવ્યેશ પરસોતમ કોટીયાએ તેની માલિકીનું સુભાષનગરમાં આવેલ મકાન પરપ્રાંતીયને ભાડે આપ્યુ હતુ તે અંગે પોલીસને જાણ નહી કરતા ભાડુઆત નોંધણી અંગેના જાહેરનામાના ભંગ બદલ બંને સામે ગુન્હા નોંધવામાં આવ્યા છે.