શહેરના લક્ષ્મીનગર વિસ્તારમાં રહેતી અને હોસ્પિટલમાં નોકરી કરનાર 25 વર્ષીય યુવતીએ સાઇબર ક્રાઇમ પોલીસ સ્ટેશનમાં નોંધાવેલી ફરિયાદમાં જણાવ્યું હતું કે, ગત તારીખ 11/1 ના રાત્રીના તેના પિતરાઈ ભાઈનો ફોન આવ્યો હતો અને કહ્યું હતું કે, કોઈકે તારા નામનું ઇન્સ્ટાગ્રામ આઈડી બનાવ્યું છે અને ડીપીમાં તારો ફોટો રાખેલ છે તથા આ આઈડીમાં અન્ય તારા ફોટાઓ પોસ્ટ કરી તેમાં બિભસ્ત શબ્દો લખ્યા છે. જેનો સ્ક્રીનશોટ પણ તેણે મોકલ્યો હતો.

બાદમાં યુવતીએ તપાસ કરતા તેના નામનું ફેક ઇન્સ્ટાગ્રામ આઈડી કોઈએ બનાવ્યું હોવાનું અને તેમાં યુવતીના ફોટા મૂકી તેને બદનામ કરવાનો પ્રયાસ કર્યો હોવાનું માલુમ પડ્યું હતું. જેથી તેણે આ અંગે પ્રથમ સાયબર ક્રાઇમ હેલ્પલાઇનમાં અરજી કર્યા બાદ સાઇબર ક્રાઇમ પોલીસ સ્ટેશનમાં ફરિયાદ નોંધાવી છે.