વરસાદની ઋતુમાં આપણે બધા આપણી ત્વચાને લઈને ખૂબ જ ચિંતિત હોઈએ છીએ. આ સિઝનમાં સ્કિન ઇન્ફેક્શનનો ઘણો ખતરો હોય છે. જેના કારણે લોકો ત્વચાની સંભાળ લઈને ત્વચાને સુરક્ષિત રાખવાનો પ્રયાસ કરે છે. આ માટે ત્વચાના પ્રકાર અનુસાર બજારમાં સૌથી મોંઘી ક્રીમ મળશે પરંતુ આ રેડીમેડ ક્રીમની અસર ફક્ત થોડા દિવસો સુધી જ રહે છે.

ત્યારે ઘરે બનાવેલી એક એવી ક્રીમ જે તમારી ત્વચાને ઈન્ફેક્શનથી તો બચાવે છે પરંતુ ચહેરાની અન્ય ઘણી સમસ્યાઓ પણ દૂર કરે છે. આ ક્રીમ લીમડાના પાનમાંથી બને છે. આ ક્રીમ ઘણી સમસ્યાઓને દૂર કરવામાં મદદ કરશે.

લીમડામાં એન્ટીબેક્ટેરિયલ, એન્ટી-ઈન્ફ્લેમેટરી અને એન્ટીઓક્સીડેન્ટ ગુણ હોય છે. જે ત્વચાની સમસ્યાઓને દૂર કરવામાં મદદ કરે છે.

ખીલની સારવાર

લીમડામાંથી બનેલી આ ક્રીમ ખીલ અને ત્વચાના ડાઘને ઘટાડવામાં મદદ કરે છે. જો ચહેરા પર ફોલ્લીઓ અને ડાઘ હોય તો તેનો ઉપયોગ કરી શકો છો.

ચેપ સામે રક્ષણ

લીમડામાં વિવિધ એન્ટીબેક્ટેરિયલ ગુણ હોય છે, જે ત્વચાને ચેપથી બચાવે છે. જો ત્વચા સંવેદનશીલ હોય તો તેનો ઉપયોગ કરી શકો છો. જેથી ત્વચા ચેપથી સુરક્ષિત રહે.

પોર્સ ચુસ્ત થશે

આ હોમમેઇડ ક્રીમ તમારી ત્વચાના પોર્સને ચુસ્ત બનાવે છે અને કરચલીઓ થતી અટકાવે છે. આ ક્રીમ કુદરતી છે અને તેને બનાવવામાં ઉપયોગમાં લેવાતી તમામ સામગ્રી ત્વચા માટે સલામત અને ફાયદાકારક છે.

ક્રીમ બનાવવાની સામગ્રી

• લીમડાના પાન
• નાળિયેર તેલ - 2 ચમચી
• ગ્લિસરીન - 2 ચમચી
• એલોવેરા જેલ - 2 ચમચી
• વિટામિન ઇ કેપ્સ્યુલ્સ