જન્માષ્ટમીના પર્વની શ્રૃંખલા બોળચોથથી શ‚ થઇ છે ત્યારે પોરબંદર શહેરમાં ઠેર -ઠેર ગૌપૂજન કરવામાં આવ્યુ હતુ. પોરબંદર નગરપાલિકાના પ્રમુખ ડો. ચેતનાબેન તિવારીએ જણાવ્યુ હતુ કે ગાયપૂજણી એટલે કે બોળચોથના વ્રતમાં તેમણે સ્વગૃહે ગૌપૂજન કરીને ગાયના  કાનમાં  ‘વ્રત અમારુ, સત તમારુ’ એવો મંત્ર બોલી આશીર્વાદ મેળવ્યા હતા અને ગાયની પ્રદક્ષિણા કરી હતી. તેમના દાદીમા કંકુમા દ્વારા આવી પ્રેરણા વર્ષો પહેલા આપવામાં આવી હતી ત્યારથી નિયમિત રીતે તેઓ પૂજન કરે છે. એ જ રીતે પોરબંદર શહેરના જુદા-જુદા વિસ્તારોમાં ગાયનું પૂજન થયુ હતુ ત્યારે ગૌપ્રેમી વિમલભાઇ કારીયાએ જણાવ્યું હતુ કે લોકો સમગ્ર  વર્ષ ગૌધનને ‘હો.. હો... હે...હે...’ કરે છે અને એક દિવસ માટે ગાયની પૂજા કરે છે તેથી અફસોસ સાથે કહેવુ પડે  છે કે કલિયુગમાં ચાર બંગડીવાળી ગાડી રાખવાની  જગ્યા છે પણ લોકોને ગાય રાખવા માટેની જગ્યા ઘરમાં નથી તેવો કટાક્ષ અને આક્રોશ વ્યકત કર્યા હતા (તસ્વીર: જિજ્ઞેશ પોપટ)