રાજકોટ, લોધિકા અને પડધરી તાલુકાના ૧૮૦ ગામોનું વિશાળ કાર્યક્ષેત્ર ધરાવતા સૌરાષ્ટ્ર્રના સૌથી મોટા એવા રાજકોટના બેડી માર્કેટ યાર્ડમાં કપાસની આવક ગત વર્ષની તુલનાએ માંડ અડધી થઇ છે અને કપાસની નબળી ગુણવત્તાને કારણે આ વર્ષે ભાવ પણ ઓછા છે.
વિશેષમાં રાજકોટ માર્કેટ યાર્ડના વર્તુળોએ જણાવ્યું હતું કે ગત વર્ષે સોયાબિનના ખુબ સારા ભાવ ઉપયા હોય આ વર્ષે કપાસનું વાવેતર કરતા ખેડૂતોએ કપાસના બદલે સોયાબિનનું વાવેતર કયુ હતું, અમુક ખેડૂતોએ કપાસનું વાવેતર ઘટાડી સાથે સોયાબિનનું વાવેતર કયુ હતું. આ મુજબ વાવેતર ઘટતા ઉત્પાદન ઓછું છે. તદઉપરાંત આ વર્ષે પાછોતરો વરસાદ છેક દશેરા સુધી વરસતા કપાસના પાકને ભારે નુકસાન પહોંચ્યું હતું. કપાસમાં ભેજ બેસી જતા ગુણવત્તા નબળી થઇ છે. દરમિયાન આજે યાર્ડમાં ૧૩૦૦૦ મણ કપાસની આવક થઇ હતી જેની સામે પ્રતિ ૨૦ કિલોનો ભાવ ગુણવત્તા અનુસાર .૧૩૦૦થી ૧૫૪૦ સુધી રહ્યો હતો. છેલ્લા ત્રણ વર્ષમાં કપાસના ભાવ ઓલ ટાઇમ હાઇની સપાટી સુધી પહોંચ્યા હતા, યારે હાલની સીઝનમાં એક પણ વખત કપાસનો ભાવ .૧૬૦૦ની સપાટીએ પણ પહોંચ્યો નથી. તદઉપરાંત કપાસમાં એક પણ વખત એટલી આવક થઇ નથી કે આવક બધં કરવા ફરજ પડે. આમ રાજકોટ યાર્ડમાં ગત વર્ષની તુલનાએ કપાસની આવક અડધી થઇ છે અને ભાવ પણ ઓછા છે