ઠંડા બોળ પવનના કારણે ઠંડીની તીવ્રતા યથાવત રહી છે. ગિરનાર પર્વત ઉપર આજે માત્ર 5.4 ડિગ્રી અને નલિયામાં 7.4 ડિગ્રી લઘુતમ તાપમાન નોંધાયું છે. નલિયામાં ગઈકાલે 9.2 ડિગ્રી લઘુત્તમ તાપમાન હતું આજે તેમાં વધુ બે ડિગ્રીનો ઘટાડો થયો છે.

જુનાગઢ શહેરમાં લઘુતમ તાપમાનના પ્રમાણમાં એક સાથે પાંચ ડિગ્રીનો ઘટાડો નોંધાયો છે. ગઈકાલે 15 અને આજે 10.4 ડિગ્રી લઘુતમ તાપમાન જૂનાગઢમાં રહ્યું છે. ભવનાથ તળેટીમાં 8.4 ડિગ્રી લઘુતમ તાપમાન નોંધાયું છે.

ભુજ નલિયા અમરેલી ભાવનગર દ્વારકા સુરેન્દ્રનગરમાં ગઈકાલની સરખામણીએ આજે લઘુતમ તાપમાનનો પારો નીચે ઉતર્યો છે. જ્યારે ઓખા પોરબંદર રાજકોટ અને વેરાવળમાં ઠંડીનું પ્રમાણ ઓછું થયું છે. લઘુતમ તાપમાન વધ્યું છે.
ભુજમાં આજે લઘુતમ તાપમાન 12.8 અમરેલીમાં 11.4 ભાવનગરમાં 14.6 દ્વારકામાં 16 ઓખામાં 19.8 પોરબંદરમાં 13 રાજકોટમાં 13.2 વેરાવળમાં 16.3 સુરેન્દ્રનગરમાં 13.6 ડિગ્રી લઘુતમ તાપમાન રહ્યું છે.