કોંગ્રેસે મંગળવારે ઉત્તર પ્રદેશ અને બિહારના કેટલાક મતવિસ્તારોમાં ધીમી મત ગણતરીનો આક્ષેપ કર્યો હતો. પરિણામોમાં વિલંબને લઈને કોંગ્રેસે ચૂંટણી પંચને એક મેમોરેન્ડમ આપ્યું છે. પક્ષે મતગણતરી પ્રક્રિયામાં કોઈ અયોગ્ય વિલંબ ન થાય તે સુનિશ્ચિત કરવા માટે સૂચનાઓ જારી કરવા ચૂંટણી સંસ્થાને કહ્યું.

મેમોરેન્ડમમાં જણાવ્યું હતું કે અમને વધુ અહેવાલો પ્રાપ્ત થયા છે કે છેલ્લા 1/1.5 કલાકમાં  સમગ્ર દેશમાં ઘણા સંસદીય મતવિસ્તારોમાં મત ગણતરી પ્રક્રિયામાં એકંદર મંદી જોવા મળી છે. કમનસીબે અમારા પક્ષના એજન્ટો, કાર્યકરો અને ઉમેદવારો દ્વારા સવાલ કરવામાં આવ્યા છે તેમ છતાં અધિકારીઓ અમારી ચિંતાઓ પર ધ્યાન આપતા નથી.

ચૂંટણી પંચના અધિકારીઓને મળેલા કોંગ્રેસના પ્રતિનિધિમંડળનું નેતૃત્વ કરનાર અભિષેક મનુ સિંઘવીએ કહ્યું કે તેમણે કોઈ આક્ષેપો કર્યા નથી પરંતુ માત્ર સૂચનાઓ માંગી છે. સિંઘવીએ કહ્યું  કે પંચે અમારી વાત ધ્યાનથી સાંભળી. ચૂંટણી પંચને વસ્તુઓ વિગતવાર સમજાવવામાં આવી હતી. તે કોઈ વિલંબ ન થાય તે સુનિશ્ચિત કરવા સૂચના આપવા માટે પણ સંમત થયું હતું."