પિતા-પુત્ર પર હુમલો : ધમકી આપી હડધુત કયર્િ : મહિલા સહિત સાત સામે ફરીયાદ

લાલપુરના પડાણા વિસ્તારમાં ઘર અને દુકાન પાસે દારૂનો ધંધો કરવાની ના પાડવાના મુદે ઉશ્કેરાયેલા આરોપીઓએ પાઇપ, લાકડી જેવા હથીયારો સાથે ઘસી જઇ બબાલ કરી હતી, યુવાન અને તેના પુત્રને માર મારી ધમકી દઇ જ્ઞાતી પ્રત્યે અપમાનીત કયર્નિો મામલો મેઘપર પોલીસમાં પહોચ્યો હતો જયાં મહિલા સહિત સાત સામે પોલીસ ફરીયાદ નોંધાવવામાં આવી છે.

લાલપુર તાલુકાના પડાણા ગામ તલાવડી વિસ્તારમાં રહેતી હંસાબેન વાલજીભાઇ ઢચા (ઉ.વ.25) એ ગઇકાલે મેઘપર પોલીસમાં પડાણા ગામમાં રહેતા આશાબેન ગઢવી, હદાભાઇ, નરેન્દ્રસિંહ ઉર્ફે નંદો, ઉમેદસિંહ ધીરુભા, વિજયસિંહ, વિજયસિંહનો મોટોભાઇ, હદાભાઇનો નાનો ભાઇ આ સાત વિરુઘ્ધ બીએનએસ કલમ 115(2), 189(2), 189(4), 190, 191(2)(3)  વિગેરે તથા એટ્રોસીટીની કલમ મુજબ ફરીયાદ નોંધાવી હતી.

આરોપીઓ પૈકી આશાબેન, હદાભાઇ તથા ઉમેદસિંહ ફરીયાદીના ઘર તથા દુકાન પાસે દારૂનો ધંધો કરતા હોય જેથી ફરીયાદીના પતિએ બે દિવસ પહેલા પોતાના ઘર અને દુકાન પાસે દાનો ધંધો ન કરવાનું કહેતા આ બાબતનો ખાર રાખી તા. 15ના રોજ પડાણા, ખારી વિસ્તાર પાસે બે આરોપીઓએ ઝઘડો કરવા ફરીયાદીના ફળીયામાં પ્રવેશ કરીને માથાકુટ કરી હતી.
દરમ્યાન અન્ય બે આરોપીને ફોન કરીને બોલાવ્યા હતા અને પાઇપ, લાકડી વડે રહેણાંક મકને ઘસી આવી ફરીયાદીના પતિને આરોપીએ ગળુ પકડી તેમજ પાઇપ અને લાકડી વડે ત્યાં આવી ફરીયાદીના પતિને ઘેરી લઇ કાંઠલો પકડી ઝાપટો ઝીંકી દઇ ઢીકાપાટુનો માર માર્યો હતો.

આ વેળાએ વચ્ચે પડેલા પુત્રને પણ માર માર્યો હતો અને આરોપીઓએ હુમલો કરી ધમકી આપી જ્ઞાતી પ્રત્યે અપમાનીત કરી આરોપીઓએ ગુનો કર્યો હતો, આ ફરીયાદના આધારે મેઘપર પડાણાના પીએસઆઇ બી.બી. કોડીયાતર દ્વારા તપાસ ચલાવવામાં આવી રહી છે.