ગુજરાતના બે મુખ્ય શહેરો અમદાવાદ અને સુરતમાં કોંક્રિટના જંગલો ભયજનક દરે ફેલાઈ રહ્યા છે. ૨૦૦૧ થી ૨૦૨૧ દરમિયાન લેન્ડસેટ સેટેલાઇટ ઈમેજ જીઓગ્રાફિક ઇન્ફોર્મેશન સિસ્ટમ (જીઆઈએસ) પર આધારિત એક અભ્યાસ દર્શાવે છે કે અમદાવાદના બિલ્ટ–અપ વિસ્તારમાં બે દાયકામાં ૩૭ ટકાનો વધારો થયો છે, યારે રાયના બીજા ક્રમના શહેર સુરતમાં બિલ્ટ–અપ વિસ્તારમાં ૬૨ ટકાનો વધારો થયો છે.
એટલું જ નહીં – અભ્યાસમાં આગાહી કરવામાં આવી છે કે અમદાવાદમાં બિલ્ટ–અપ એરિયા ૨૦૩૧માં ૬૫ ટકા થશે જે ૨૦૨૧માં ૫૬ ટકા હતો. સુરતમાં તે વધીને ૩૭ ટકા થવાની ધારણા છે જે ૨૦૨૧માં ૩૦ ટકા હતો. આ ડેટામાં મ્યુનિસિપલ કોર્પેારેશન અને શહેરી વિકાસ સત્તામંડળની મર્યાદામાં કુલ શહેરી વિસ્તારનો સમાવેશ થાય છે.
વધુમાં, અમદાવાદના કિસ્સામાં ખેતીલાયક જમીન અને સુરતના કિસ્સામાં ખુલ્લી જમીન ઇમારતોના વિસ્તરણનો ભોગ બનશે. અંદાજ મુજબ, આ શ્રેણીઓમાં ૨૦૦૧ થી ૨૦૩૧ સુધીમાં અનુક્રમે ૧૪ ટકા અને ૯ ટકાનો ઘટાડો જોવા મળશે. ચોરસ કિલોમીટરની દ્રષ્ટ્રિએ, તે અમદાવાદમાં ૧૦૧ ચોરસ કિલોમીટર અને સુરતમાં ૨૮ ચોરસ કિલોમીટર હશે.
ડેટા અને અંદાજો આઇઆઇટી રકી, પરડુ યુનિવર્સિટી ઓફ યુએસએ અને પંડિત રવિશંકર શુકલા યુનિવર્સિટી, રાયપુરના શુભમ ભટ્ટાચાર્ય, નીરવ શર્મા, મુનિઝાહ સલીમ, આરડી ગર્ગ અને કવિતા શર્મા દ્રારા 'શહેરોમાં જમીન આવરણ ફેરફારોનું અનુમાનિત મોડેલિંગમાં ભારતના રાઉન્ડ–૧ સ્માર્ટ સિટીઝ યુઝિંગ સેલ્યુલર ઓટોમેટા અને જીઆઈએસ' અભ્યાસમાંથી લેવામાં આવ્યા છે. આ અભ્યાસ તાજેતરમાં સ્પ્રિંગર જર્નલ ડિસ્કવર સિટીઝમાં પ્રકાશિત થયો હતો