અલગ અલગ સમયે કુકર્મ આચર્યુ : શહેરમાં ચકચાર

જામનગર શહેરમાં યુવતિને ધાક ધમકી આપીને આશરે સવા વર્ષના સમય દરમ્યાન જુદા જુદા સ્થળે લઇ જઇને બળજબરીથી દુષ્કર્મ આચરતા ૩ શખસો સામે ફરીયાદ નોંધાવતા પોલીસે ત્રણેય શખસોને ઝડપી લઇને જેલ હવાલે કર્યા છે. આ બનાવે શહેરમાં ભારે ચકચાર જગાવી છે.
શહેરના સીટી-સી ડીવીઝન પોલીસ સ્ટેશન વિસ્તારમાં રહેતી એક યુવતીને મારી નાખવાની ધાક ધમકી આપીને છેલ્લા એક વર્ષથી ૩ શખસો અલગ અલગ સમયે જુદા જુદા સ્થળે લઇ જઇને બળજબરીથી દુષ્કર્મ આચરવામાં આવતુ હતું.
ત્રણેય શખસોથી તંગ આવીને પરિવારને જાણ કર્યા બાદ ચારેક દિવસ પહેલા યુવતિએ સમીર ફીરોજ ખીરા, હસન સીદીક ખીરા અને ઇરફાન ઉર્ફે લાલો કાસમ ખીરા સામે સીટી-સી ડીવીઝન પોલીસ સ્ટેશનમાં ફરીયાદ નોંધાવતા પોલીસે દુષ્કર્મ સહિતની કલમ હેઠળ ગુનો નોંઘ્યો હતો અને પીઆઇ એ.આર.ચૌધરી સહિતની ટીમે તપાસ હાથ ધરીને શંકરટેકરીમાં રહેતા ત્રણેય શખસોને ઝડપી લઇને ધરપકડ કરીને જ‚રી કાર્યવાહી બાદ કોર્ટમાં રજુ કરીને જેલ હવાલે કર્યા છે.