શહેરના ગોકુલનગર વિસ્તારમાં ખોટી શંકા રાખનારાઓને સમજાવવા જતા દંપતિને માર માર્યાની ત્રણ સામે ફરીયાદ કરવામાં આવી છે.
જામગનરના ગોકુલનગર સાયોના શેરીમાં રહેતા મજુરી કામ કરતા નરેશ રમેશભાઇ મકવાણા (ઉ.વ.૨૫) નામના યુવાને ગઇકાલે સીટી-સી ડીવીઝનમાં ગોકુલનગર શેરી નં. ૮/૪માં રહેતા સુનિલ રમેશ મકવાણા, મનિષાબેન સુનિલ મકવાણા અને બુધીબેન કેશુ મકવાણાની વિરુઘ્ધ જુદી જુદી કલમો મુજબ ફરીયાદ નોંધાવી હતી.
વિગત મુજબ ફરીયાદીના પત્ની ગામમાં કામ કરવા જાય છે જેના પર ખોટા શક વહેમ આરોપી રાખતા હોય આથી ફરીયાદી તેઓને સમજાવવા જતા ત્રણેય આરોપીઓએ અપશબ્દો બોલી ઢીકાપાટુનો મુંઢ માર મારી તેમજ તવી, પ્લાસ્ટીકની નળી વડે માર માર્યો હતો, દરમ્યાન ફરીયાદીના પત્ની છોડાવવા જતા તેને પણ મુંઢ માર મારીને જાનથી મારી નાખવાની ધમકી દઇ આરોપીઓએ એકબીજાને મદદગારી કરી હતી.