મીઠાપુરમાં આવેલી ટાટા કંપનીમાં બાયકાર્બ પ્લાન્ટમાં એમ.એમ.એફ. ફ્લોર પરથી રૂ. 18,000 ની કિંમતની 84 કિ.ગ્રા.ની પ્લેટની ગત તારીખ 26 ઓક્ટોબરના રોજ ચોરી થયાનો બનાવ ખુલવા પામ્યો હતો. આ અંગેની કરવામાં આવેલી તપાસમાં ઉપરોક્ત ચોરી સુરજકરાડીના પાલા નાગાજણ વારસાકીયા, રસીદ અબ્દુલસતાર પાસ્તા, વીરા રામા વારસાકીયા અને સિકંદર યુનુસ માંગલીયા દ્વારા કરવામાં આવી હોવાનું ખુલતા આ સમગ્ર બનાવ અંગે ટાટા કંપનીમાં સિક્યુરિટી વિભાગમાં ડેપ્યુટી મેનેજર તરીકે ફરજ બજાવતા સતીશકુમાર નંદલાલજી રોહિલા (ઉ.વ. 43) દ્વારા ઉપરોક્ત ચારેય શખ્સો સામે મીઠાપુર પોલીસ મથકમાં ધોરણસર ફરિયાદ નોંધાવવામાં આવી છે. જેને અનુસંધાને પોલીસે વિધિવત રીતે ગુનો નોંધી, આરોપીઓને ઝડપી લેવાના ચક્રો ગતિમાન કર્યા છે.