રાજકોટ કલેકટર કચેરીનો કાફલો આજે કોઠારીયા વિસ્તારમાં ત્રાટક્યો હતો અને સરકારી જમીનમાં ગેરકાયદે દબાણ કરીને ખડકાયેલા દસ જેટલા રહેણાંક મકાનો ઉપર બુલડોઝર ફેરવી દઈ જમીન દબાણ મુક્ત કરાવી હતી.
વિશેષમાં રાજકોટ જિલ્લા કલેકટર કચેરીના સૂત્રોમાંથી પ્રાપ્ત વિગતો અનુસાર આજરોજ કોઠારીયાના સર્વે નં.352 પૈકીની સરકારી જમીન ઉપર ગેરકાયદેસર રીતે કબજો કરી 10 રહેણાંક મકાનો ઉભા કરાયા હતા જેની કુલ બજાર કિંમત ત્રણથી ચાર કરોડ જેટલી થાય છે તે દબાણો કલેકટરના આદેશથી અને રાજકોટ તાલુકા મામલતદારના માર્ગદર્શન હેઠળ તાલુકા મામલતદારની ટીમ દ્વારા દૂર કરવામાં આવ્યા હતા તથા વાવડી ગામના રેવન્યુ સર્વે નં.149 પૈકીની સરકારી જમીન પર થયેલ ગેરફાયદેસર દબાણો કરનાર ઇસમોને લેન્ડ રેવન્યુ કોડ કલમ-61 હેઠળ નોટીસો પાઠવી દબાણો ખુલા કરવા કડક સુચના આપવામાં આવી હતી.