રાજકોટ મહાનગરપાલિકાની ફૂડ બ્રાન્ચની ટીમ દ્વારા મેકડોનાલ્ડ્સમાંથી ચિકન બર્ગર તેમજ શહેરની અન્ય વિવિધ બજારોમાંથી ચીઝ, પનીર અને ખજૂર સહિતના સેમ્પલ લઇ તેમાં ભેળસેળ હતી કે કેમ ? તેની ચકાસણી માટે ફૂડ લેબોરેટરીમાં પૃથ્થકરણ અર્થે રવાના કરાયા હોવાનું જાણવા મળે છે.વિશેષમાં રાજકોટ મહાપાલિકાની ફૂડ બ્રાન્ચના સિનિયર ડેઝીગ્નેટેડ ફૂડ ઓફિસર ડો.હાર્દિક બી.મેતાએ જણાવ્યું હતું કે, શહેરના ૧૫૦ ફૂટ રિંગ રોડ ઉપર રિલાયન્સ મોલમાં ગ્રાઉન્ડ ફ્લોર ઉપરની શોપ નં.૯માં કાર્યરત હાર્ડ કેસલ રેસ્ટોરન્ટ પ્રાઇવેટ લિમિટેડ (મેકડોનાલ્ડસ રેસ્ટોરન્ટ)માંથી પ્રોસેસ્ડ ચીઝ સ્લાઇસ લુઝ તેમજ ચિકન સરપ્રાઇઝ બર્ગર પ્રિપેર્ડ લુઝનું સેમ્પલ સેમ્પલ લઇ પરીક્ષણ અર્થે ફૂડ લેબોરેટરીમાં મોકલવામાં આવ્યું છે.તેમણે ઉમેર્યું હતું કે ઉપરોક્ત ઉપરાંત ડાઇસ્ડ મોઝરેલા ચીઝ, ડેલેરા મલાઇ પનીર તેમજ ડાઇસ્ડ મોઝરેલા બ્લેન્ડ સહિતના ત્રણ સેમ્પલ એક કિલો પેકિંગમાંથી ક્વીન્સ ફૂડઝ એન્ડ બેવેરેજીસ, પહેલો માળ, એ-૨૧૫, જીએસીડીસી, આજી ઇન્ડસ્ટ્રીયલ એસ્ટેટ, ૮૦ ફૂટ રોડ, રાજકોટ ખાતેથી લેવામાં આવ્યા હતા.આ ઉપરાંત જાયદી ખજૂરનું સેમ્પલ રસીકલાલ નટવરલાલ તન્ના, ઘી કાંટા રોડ, કંદોઇ બજાર, ઠોસાગલી, રાજકોટ ખાતેથી, જાયદી ખજૂરનું સેમ્પલ ભગવાન ટ્રેડર્સ, ઘી કાંટા રોડ, કંદોઇ બજાર, ઠોસાગલી, રાજકોટ ખાતેથી તેમજ જાયદી ખજૂરનું સેમ્પલ સ્થળ- મગનલાલ એન્ડ કું., ઘી કાંટા રોડ, કંદોઇ બજાર, ઠોસાગલી, રાજકોટ ખાતેથી લેવામાં આવ્યું હતું.

મહિલા કોલેજ ચોકના ટ્રી સ્ટ્રીટ માં ચેકિંગ કર્યું

રાજકોટ મહાનગરપાલિકાના ફૂડ વિભાગની ટીમ દ્વારા મહિલા કોલેજ ચોક, એલઆઇસી ઓફિસ સામે, રાજકોટ મુકામે આવેલ ટી-સ્ટ્રીટ પેઢીમાં સ્ટોરેજ ફૂડ, લાયસન્સ તથા રો-મટિરિયલ બાબતે તપાસ કરવામાં આવી હતી તેમ જાહેર કરાયું છે.