કેન્દ્ર સરકારે સંરક્ષણ બજેટ માટે 6,81,210 કરોડ રૂપિયા ફાળવ્યા છે. આ રકમ ગયા વર્ષના રૂ. 6,21,940 કરોડના ખર્ચ કરતાં વધુ છે. કુલ મૂડી ખર્ચ રૂ. 1,92,387  કરોડ હોવાનો અંદાજ છે. મહેસૂલ ખર્ચ રૂ. 4,88,822  કરોડ રાખવામાં આવ્યો છે. પેન્શન માટે 1,60,795 કરોડ રૂપિયાની ફાળવણી કરવામાં આવી છે.

મૂડી ખર્ચ હેઠળ, વિમાન અને એરો એન્જિન માટે રૂ. 48,614 કરોડ ફાળવવામાં આવ્યા છે. નૌકાદળના કાફલા માટે 24,390 કરોડ રૂપિયાની જોગવાઈ છે. અન્ય સાધનો માટે 63,099 કરોડ રૂપિયાની રકમ અલગ રાખવામાં આવી છે. 2024-25 માં, સરકારે સંરક્ષણ બજેટ માટે 6,21,940 કરોડ રૂપિયા ફાળવ્યા હતા. આમાં મૂડી ખર્ચ રૂ. 1,72,000 કરોડ હોવાનો અંદાજ હતો.