ખંભાળિયામાં જડેશ્વર રોડ ઉપર આવેલા સોનલ માતાજીના મંદિર પાસે સરકારી નેત્રમ લોકેશનના પોલ પાસે અહીંના શક્તિનગર વિસ્તારમાં આવેલા વાછરા ડાડાના મંદિર પાસે રહેતા રાહુલ લખમણભાઈ સાલાણી નામના શખ્સ દ્વારા પોતાનું જી.જે. 37 વી. 0022 નંબરનું બોલેરો વાહન પુરઝડપે અને બેફિકરાઈપૂર્વક ચલાવી, નેત્રમના પોલ સાથે અકસ્માત સર્જ્યો હતો. જેના કારણે જંકશન બોક્સ, કેન્ટીલીવર, ફિક્સ કેમેરા, કેબલ, સહિતના ઉપકરણોમાં વ્યાપક નુકસાની થવા પામી હતી.

બોલેરોની ટક્કરના કારણે નેત્રમ લોકેશનના પોલમાં કુલ રૂપિયા 1,21,860 ની કિંમતની સરકારી મિલકતને નુકસાન થવા સબબ પોલીસ કર્મચારી જેઠાભાઈ નારણભાઈ કરંગીયાની ફરિયાદ પરથી ખંભાળિયા પોલીસે બોલેરો ચાલક રાહુલ સાલાણી સામે જુદી જુદી કલમ હેઠળ ગુનો નોંધી, ધોરણસર કાર્યવાહી કરી હતી.