રાજકોટમાં રૈયા ટેલિફોન એકસચેન્જ પાસે આજરોજ સવારના સુમારે કાર થાંભલા સાથે અથડાતા કારમાં સવાર યુવાન અને તેની પ્રેમિકાની ઈજા પહોંચી હતી. જેથી બંનેને સારવાર માટે હોસ્પિટલ ખસેડવામાં આવ્યા હતા. અકસ્માત બાદ અહીં લોકો ટોળે વળ્યા હોય દરમિયાન કારમાં છરી પણ મળી આવી હતી.
જાણવા મળતી વિગતો મુજબ, આજરોજ સવારના સોમવારે રૈયા ટેલીફોન એકસચેન્જ પાસે કાર વીજ થાંભલા સાથે અથડાઈ હતી. અકસ્માતની આ ઘટનાને લઇ અહીં મોટી સંખ્યામાં લોકો ટોળે વળ્યા હતા. બનાવની જાણ થતા ૧૦૮ અને પોલીસની ટીમ અહીં પહોંચી ગઈ હતી. કારમાં યુવક અને યુવતી ઇજાગ્રસ્ત હાલતમાં હોય બંનેને સારવાર માટે સરકારી હોસ્પિટલ ખસેડવામાં આવ્યા હતા. પ્રાથમિક તપાસમાં અકસ્માતમાં ઇજાગ્રસ્ત થયેલ યુવાનનું નામ જીતુદાન બનીદાન જેસાણી(ગઢવી) (ઉ.વ ૩૦ રહે. ભવાની એપાર્ટમેન્ટ, નાગેશ્વર, જામનગર રોડ) હોવાનું માલુમ પડું હતું. યુવાનના અગાઉ કાલાવડ પંથકની યુવતી સાથે લ થયા હતા ચાર વર્ષ પૂર્વે પત્ની રિસામણે ચાલી ગઈ છે. છેલ્લા બે મહિનાથી તે અન્ય એક યુવતી સાથે મૈત્રી કરાર કરીને રહે છે. આજરોજ યુવાન અને તેની આ પ્રેમિકા બંને ફરવા નીકળ્યા હતા દરમિયાન અકસ્માતની આ ઘટના બની હતી. અકસ્માત બાદ અહીં લોકો એકત્ર થયા હોય દરમિયાન કારમાં જોતા તેમાંથી એક છરી પણ મળી આવી હતી. આ મામલે પોલીસે કાર્યવાહી કરવા તજવીજ હાથ ધરી છે.