પરિવાર નાનો હોય કે મોટો રસોઈ બનાવતી વખતે કોઈને કોઈ વાસણ બળી જાય છે, જેના કારણે રસોડામાં કામ કરતી મોટાભાગની મહિલાઓ પરેશાન રહે છે. કારણ કે બળી ગયેલા વાસણો સાફ કરવા મુશ્કેલ કામ હોય છે. જો તમે પણ આ સમસ્યાથી પરેશાન છો, તો હવે તમારે ચિંતા કરવાની જરૂર નથી, કારણ કે આજે એવી ટિપ્સ જણાવીશું જેની મદદથી તમે થોડીવારમાં બળેલા વાસણોને સરળતાથી સાફ કરી શકો છો.

બળેલા વાસણો સરળતાથી કરો સાફ

રસોડામાં રસોઈ કરતી વખતે કેટલીકવાર વાસણો બળી જાય છે. જેના કારણે તેને સાફ કરવું મુશ્કેલ બને છે. ત્યારે બળેલા વાસણોને સાફ કરવા માટે ખાવાનો સોડા અને પાણીનો ઉપયોગ કરી શકો છો. આ માટે પહેલા બળી ગયેલા વાસણમાં પાણી ભરવું પડશે અને પછી તેમાં એક કપ ખાવાનો સોડા નાખવો પડશે. હવે આ મિશ્રણને થોડા કલાકો માટે બાજુ પર રાખો હવે સખત બ્રશની મદદથી બળી ગયેલા ભાગને ઘસીને બળી ગયેલા વાસણને સરળતાથી સાફ કરી શકો છો.

વિનેગર

આ સિવાય વિનેગરનો ઉપયોગ કરી શકો છો. સૌ પ્રથમ બળી ગયેલા વાસણમાં સરકો અને પાણી નાંખવાનું છે. જ્યારે તે ઠંડુ થઈ જાય ત્યારે વાસણને સ્ક્રબ કરો અને તેને સારી રીતે ધોઈ લો. તેનાથી  વાસણો સરળતાથી સાફ થઈ જશે.

ટમેટા પેસ્ટ

આ ઉપરાંત ટામેટાની પેસ્ટનો પણ ઉપયોગ કરી શકો છો. આ માટે દાઝી ગયેલી જગ્યા પર ટામેટાની પેસ્ટ લગાવવી પડશે, તેને થોડી વાર રહેવા દો અને પછી તેને સ્વચ્છ પાણીથી ધોઈ લો. આમ કરવાથી બળી ગયેલ વાસણ સાફ થઈ જશે.

સોડાનો ઉપયોગ

આ સિવાય સોડાનો ઉપયોગ કરી શકો છો. પાણીમાં સોડા ભેળવીને પેસ્ટ બનાવો. પછી તેને બળી ગયેલી જગ્યા પર લગાવો. થોડી વાર પછી વાસણો ધોઈ લો. હવે લીંબુને અડધું કાપીને તેમાં મીઠું નાખીને બળી ગયેલી જગ્યા પર ઘસો. થોડી વાર પછી તેને ધોઈ લો.

આ બાબતો રાખો ધ્યાનમાં

આ સિવાય કેટલીક બાબતોનું પણ ધ્યાન રાખવું જોઈએ, જેમ કે બળેલા વાસણોને તરત ન ધોવા. આ સિવાય ખૂબ સખત બ્રશનો ઉપયોગ ન કરો. તેનાથી વાસણો બગડી શકે છે. આ બધી ટિપ્સ અપનાવીને  બળેલા વાસણો સરળતાથી સાફ કરી શકો છો.