તંત્ર દ્વારા તાકીદની કાર્યવાહી

ખંભાળિયા નગરપાલિકાની હદમાં આવતાં રામનાથ સોસાયટી જેવા પોસ વિસ્તારમાં પસાર થતી પાણીની મેઈન લાઈનમાં કોઈ કારણોસર ગઈકાલે ભંગાણ થતા આ અંગે નગરપાલિકાના ચીફ ઓફિસર વ્યાસના માર્ગદર્શન હેઠળ ઇજનેર એન.આર. નંદાણીયા તથા તેમની ટીમે તાકીદે દોડી જઈને સધન ઓપરેશન હાથ ધર્યું હતું. અહીં લાંબી જહેમત બાદ સ્ટાફ દ્વારા આખી રાત કામ કરીને રીપેરીંગ કાર્યવાહી પૂર્ણ કરવામાં આવી હતી અને આ વિસ્તારના રહીશોને પાણીનો પુરવઠો રાબેતા મુજબ મળી રહે તે માટે વોટર વર્કસની ટીમ દ્વારા નોંધપાત્ર જહેમત ઉઠાવવામાં આવી હતી.