રાજકોટ માર્કેટ યાર્ડમાં આજે વહેલી સવારે થયેલી હરાજીમાં ચણાના ભાવમાં ભારે તેજી જોવા મળી હતી.
ચણામાં ગત વર્ષ કરતા ઓછું ઉત્પાદન આવતા સીઝનના પ્રારંભથી ભાવ ઉંચા છે તેમજ કોલ્ડ સ્ટોરેજમાં જગ્યાના અભાવ જેવી સ્થિતિ જોવા મળી રહી છે. નવી દિલ્હીના વેપારીઓએ ગ્રામ્ય પંથકમાં ખેતર વાડીઓમાંથી ચણાના ઉભા મોલના સીધા સોદા પાડતાં ચણાના પાકનો પૂરો જથ્થો તો યાર્ડ સુધી પહોંચ્યો પણ નથી. ભાવમાં લગાતાર તેજી જોવા મળી છે અને આજે તો ભાવ .૧૨૦૦ને પાર પહોંચ્યો હતો.

વિશેષમાં રાજકોટ માર્કેટ યાર્ડના વેપારી સુત્રોમાંથી પ્રા વિગતો મુજબ આજે રોજ રાજકોટના બેડી માર્કેટ યાર્ડમાં પીળા ચણાની ૧૪,૫૦,૦૦૦ કિલોની આવક થઇ હતી જેની સામે હરરાજીમાં પ્રતિ ૨૦ કિલોના ગુણવત્તા અનુસાર .૧૧૦૦થી ૧૨૧૦ના ભાવથી સોદા થયા હતા. તદ્દઉપરાંત ઘઉંમાં કુલ ૨૫,૦૦,૦૦૦ કિલોની આવક થઇ હતી. ઘઉં ટુકડાનો ભાવ .૪૮૨થી ૫૨૩ સુધી રહ્યો હતો, યારે ઘઉં લોકવનનો ભાવ .૪૯૮થી ૫૬૬ સુધી રહ્યો હતો. યાર્ડની કચેરીના સૂત્રોએ જણાવ્યું હતું કે ઘઉં તથા ચણા ઉપરાંત અન્ય જણસીઓ ભરેલા અંદાજે ૧૨૦૦થી વધુ વાહનોને માર્કેટ યાર્ડમાં ક્રમ મુજબ પ્રવેશ આપી ઉતરાઇ કરાવવામાં આવી હતી. ગત રાત્રે બેડી યાર્ડ બહાર આઠ કિલોમીટર સુધી ખેડૂતોના વાહનોની લાઇન લાગી હતી, રાત્રે આઠ થી દસ વાગ્યા સુધી આવકોને એન્ટ્રી અપાઇ હતી. રાજકોટ માર્કેટ યાર્ડના ચેરમેન જયેશભાઇ બોઘરા તથા અન્ય ડિરેકટર્સ તેમજ સ્ટાફ દ્રારા ઉતરાઇની વ્યવસ્થા કરાવવામાં આવી હતી