રાજકોટ શહેર પોલીસની ઇકોનોમિક ઓફેન્સ વિંગ (EOW)માં ચોંકાવનારો ઘટસ્ફોટ સામે આવ્યો છે. EOWના પીઆઇ જે.એમ. કૈલાને લીવ રિઝર્વમાં મુકાયા છે અને કોન્સ્ટેબલ જગદીશ વાંકની પોલીસ હેડ ક્વાર્ટરમાં બદલી કરવામાં આવી છે.

ચર્ચાતી વિગતો મુજબ એક કારખાનેદારની કિંમતી ઓડી કાર શો રૂમમાંથી બારોબાર EOWની ટીમ લઈ આવી હતી. જે મામલો હાઈકોર્ટ સુધી પહોચ્યો હતો. અત્યારે પોલીસ અને ફરિયાદી વચ્ચે સમાધાન થઈ ગયુ છે. પરંતુ તારીખ 26ના રોજ આ ફરિયાદ સંદર્ભે હાઈકોર્ટમાં સુનાવણી હોવાથી હાઈકોર્ટ કોઈ આકરૂ પગલુ ભરે તે પહેલા સ્થાનીક લેવલે પીઆઈ અને કોન્સ્ટેબલ સામે પગલા લેવાયા હોવાની ચર્ચા છે.

અત્યારે ચાર્જ એસઓજી પીઆઇ એસ.એમ.જાડેજાને સોંપવામાં આવ્યો છે. કદાચ 26 તારીખના રોજ હાઈકોર્ટમાં ફરિયાદી ફરિયાદ પાછી ખેચી લે અને સમગ્ર મામલો સમેટાઈ જાય તો પીઆઈ કૈલા EOWમાં પરત ફરે તેવી સંભાવના અને ચર્ચા ચાલી રહી છે.