વિશ્વના કોઈપણ દેશે ગ્રીન સ્ટીલની વ્યાખ્યા નક્કી કરી નથી, પરંતુ સ્ટીલ મંત્રાલય દ્વારા ગ્રીન સ્ટીલની વ્યાખ્યા નક્કી કરવામાં આવી છે અને આ રીતે ભારત ગ્રીન સ્ટીલમાં વૈશ્વિક નેતૃત્વ તરફ આગળ વધી રહ્યું છે. હાલમાં દેશમાં 18 કરોડ સ્ટીલનું ઉત્પાદન કરવાની ક્ષમતા છે. 12 કરોડ ટનની ઉત્પાદન ક્ષમતા બનાવવા માટે 10 લાખ કરોડ રૂપિયાનું રોકાણ કરવું પડશે.

અર્થવ્યવસ્થામાં ઝડપી વૃદ્ધિને જોતાં વર્ષ 2030 સુધીમાં દેશમાં સ્ટીલનો વાર્ષિક વપરાશ 30 કરોડ ટન રહેવાનો અંદાજ છે. સ્ટીલ મંત્રાલયના જણાવ્યા અનુસાર આવી સ્થિતિમાં આગામી છ વર્ષમાં સ્ટીલ ઉત્પાદનમાં 12 કરોડ ટન વધારો કરવાની જરૂર પડશે.

હાલમાં દેશમાં 18 કરોડ સ્ટીલનું ઉત્પાદન કરવાની ક્ષમતા છે. 12 કરોડ ટનની ઉત્પાદન ક્ષમતા બનાવવા માટે 10 લાખ કરોડ રૂપિયાનું રોકાણ કરવું પડશે. મંત્રાલય ગ્રીન સ્ટીલ સાથે આ ક્ષમતાને વિસ્તારવા જઈ રહ્યું છે. હાલમાં, વિશ્વના કોઈપણ દેશે ગ્રીન સ્ટીલની વ્યાખ્યા નક્કી કરી નથી, પરંતુ સ્ટીલ મંત્રાલય દ્વારા ગ્રીન સ્ટીલની વ્યાખ્યા નક્કી કરવામાં આવી છે અને આ રીતે ભારત ગ્રીન સ્ટીલમાં વૈશ્વિક નેતૃત્વ તરફ આગળ વધી રહ્યું છે.

મંત્રાલય ઈચ્છે છે કે વર્ષ 2030થી દેશમાં માત્ર ગ્રીન સ્ટીલનું જ ઉત્પાદન થવુ જોઈએ. જો કે હજુ સુધી તેને ફરજિયાત કરવામાં આવ્યું નથી, પરંતુ આ દિશામાં તમામ તૈયારીઓ કરવામાં આવી રહી છે. ગુરુવારે સ્ટીલ મંત્રી એચડી કુમારસ્વામીએ ગ્રીન સ્ટીલની વ્યાખ્યા જાહેર કરી હતી. વિશ્વના કુલ કાર્બન ઉત્સર્જનમાં સ્ટીલ ક્ષેત્રનો હિસ્સો સાત ટકા છે.

મંત્રાલયના વરિષ્ઠ અધિકારીઓના જણાવ્યા અનુસાર, 12 કરોડ ટન ગ્રીન સ્ટીલના ઉત્પાદનની ક્ષમતાને વિસ્તારવા માટે, સરકાર તેને પ્રોડક્શન લિંક્ડ ઇન્સેન્ટિવ (PLI) યોજના સાથે જોડવાનું વિચારી રહી છે. ખાસ પ્રકારના સ્ટીલના ઉત્પાદન માટે સરકારે પહેલેથી જ PLI સ્કીમ દાખલ કરી છે.

ગ્રીન સ્ટીલની માંગ વધારવા માટે મંત્રાલય સ્ટીલની સરકારી ખરીદીમાં 37 ટકા ગ્રીન સ્ટીલ ખરીદવાનું ફરજિયાત બનાવી શકે છે. કુમારસ્વામીએ કહ્યું કે ભારત સ્ટીલ ઉત્પાદક દેશ છે. ગ્રીન સ્ટીલ ઉત્પાદનમાં વૈશ્વિક નેતૃત્વ પ્રદાન કરવા માંગે છે.