આ રસ્તા પર એસ.ટી. સહિતના નાના મોટા ખાનગી વાહનો પસાર થતા હોય છતા પણ તંત્ર કોઇ કાર્યવાહી કરતુ ન હોવાની રાવ

ભાણવડના રણજીતપરામાં પોલીસ લાઇનથી શરુ થઇ અને રવિરાજ સુધીના માર્ગમાં ઠેર ઠેર નાના મોટા ગાબડા પડી ગયા છે, ગાડા માર્ગમાં ફરેવાયેલા રોડમાં બાઇક ચાલકો અવાર નવાર પડી આખડી જઇ નાની મોટી ઇજાનો ભોગ બને છે ત્યારે સરકારી તંત્ર દ્વારા તાકીદે રોડનું નવીનીકરણ કામ હાથ ધરે એવી માંગણી ઉઠી છે.

ભાણવડ વિસ્તારનાં લોકોને રોડ રસ્તાની સવલત મળવા અંગે સરકારી તંત્ર દ્વારા અન્યાય કરાતો હોવાની રાવ ઉઠી છે. જમેાં ખાસ કરી રણજીતપરાનાં પોલીસ લાઇનથી રવિરાજ સુધીનો હાઇવે માર્ગ દિનપ્રતિદીન બીસ્માર બનતો જાય છે. રસ્તામાં ઠેર ઠેર નાના મોટા ગાબડા પડી ગયા છે. તેમજ ડામરનું અસ્તિત્વ મટી રહ્યું છે. સમગ્ર રોડ ગાડા માર્ગમાં ફેરવાઇ ગયો છે.

ઉપરોકત રોડ ઉપરથી એસ.ટી. સહિતના નાના મોટા વાહન ચાલકોની સતત અવર જવર રહેછે, વળી ખંભાળીયા, પોરબંદર જવા માટે આ રોડનો ઉપયોગ થાય છે. પરંતુ ભંગાર માર્ગથી તમામની મુશ્કેલી વધી છે.