ભાવનગર જિલ્લાના ગારિયાધાર પંથકમાં હવામાં ફાયરિંગ થયાની ઘટના બની હતી. ગારિયાધાર તાલુકાના ભંડારિયા ગામના પાદરમાંથી નીકળેલી શોભાયાત્રા દરમિયાન શખ્સે હવામાં ગોળીબાર કર્યાનો વીડિયો અને ફોટો વાયરલ થતાં પોલીસે કાયદેસરેની કાર્યવાહી કરી હથિયાર પરવાનાધારક અને ફાયરિંગ કરનાર શખ્સને ગિરફ્તાર કરી લીધા હતા. વાયરલ થયેલા ફોટો અને વીડિયોના આધારે પોલીસે કાયદેસરની કાર્યવાહી કરી

આ બનાવ અંગે મળતી માહિતી અનુસાર ગારિયાધારમાં એક રાઉન્ડ હવામાં ફાયરિંગ કર્યું હોવાની વાત વહેતી.થઇ હતી. ગારિયાધાર તાલુકાના ભંડારિયા ગામે સ્વામિનારાયણ મંદિરના નિમિત્તે શોભાયાત્રા નીકળી હતી. ગામના પાદરમાં પહોંચી ત્યારે મગનભાઈ બેડ (ઉ.વ.૪૬, ભંડારિયા) નામના શખ્સે ડાયાણીની હથિયાર લાયસન્સવાળી બાર બોરની બંદૂકમાંથી હવામાં ગોળીબારનો ફોટો અને વીડિયો પાટોત્સવ વાયરલ થયો હતો. જે ગારિયાધાર પોલીસ સુધી પહોંચતા પોલીસે બન્ને શખ્સ સામે પોલીસે કાયદેસરની કાર્યવાહી હાથ ધરી હતી. પોલીસે જયસુખને પોલીસ મથકે બોલાવી તપાસ કરતા જયસુખ બેડ નામના શખ્સે પોતાની પાસે કોઈ હથિયાર સમાજમાં ભય ઉભો કરવાના ઈરાદે પોતાના શોખ ખાતર પરવાનાવાળા બાર બોર હથિયાર (બંદૂક)થી હવામાં ગોળીબાર કર્યો હોવાનું તેમજ મધુભાઈ ડાયાણીએ અન્ય શખ્સને પોતાના હથિયાર પરવાના વાળું હથિયાર આપી લાયસન્સ ધારકની શરતનો ભંગ કર્યો હતો. જે બનાવ અંગે ગારિયાધાર પોલીસના એએસઆઈ એચ.વી.ગોહિલે બન્ને શખ્સ સામે હથિયારધારાની કલમ ૨૯, ૩૦ મુજબ ગુનો નોંધી કાયદેસરની કાર્યવાહી હાથ ધરી હતી.