ઈરાનના હુમલા બાદ આખી દુનિયામાં ચર્ચા થઈ રહી છે કે ઈઝરાયેલ ક્યારે અને કેવી રીતે જવાબ આપશે. ઈઝરાયલના વડાપ્રધાન બેન્જામિન નેતન્યાહુએ એક નિવેદનમાં કહ્યું છે કે તેમનો દેશ ઈરાન સામે ચોક્કસપણે જવાબી કાર્યવાહી કરશે અને નેતન્યાહુએ ઈરાનના આ હુમલાને ઈતિહાસના સૌથી મોટા મિસાઈલ હુમલાઓમાંથી એક ગણાવ્યો છે.
એક વીડિયો સંદેશમાં ઈઝરાયેલના વડાપ્રધાને કહ્યું કે, ઈરાને બે વખત અમારા વિસ્તાર અને અમારા શહેરો પર સેંકડો મિસાઈલો છોડી છે, જે ઈતિહાસના સૌથી મોટા બેલેસ્ટિક મિસાઈલ હુમલાઓમાંનો એક છે. નેતન્યાહુનું આ નિવેદન એવા સમયે આવ્યું છે જ્યારે ઈરાનના સર્વોચ્ચ નેતા ખમેનીએ શુક્રવારે ઈઝરાયેલને ખુલ્લેઆમ ધમકી આપી હતી.
કોઈ પણ દેશ ઈરાનના આ પગલાંને સહન નહીં કરે
ગયા મંગળવારે ઈરાને ઈઝરાયેલના સૈન્ય મથકો પર ડઝનેક બેલેસ્ટિક મિસાઈલો છોડી હતી. એપ્રિલ પછી તેહરાન તરફથી આ બીજો સીધો હુમલો છે, જે બાદ ઈરાન પર ઈઝરાયેલની સખ્ત પ્રતિક્રિયાની અપેક્ષા છે. ઈઝરાયેલના વડા પ્રધાને કહ્યું કે વિશ્વનો કોઈ દેશ તેના શહેરો અને નાગરિકો પર આવા હુમલાને સહન કરશે નહીં અને યહૂદી રાજ્ય પણ આવું નહીં કરે. તેમણે કહ્યું કે, ઈઝરાયેલને પોતાની રક્ષા કરવાની અને આ હુમલાઓનો જવાબ આપવાની ફરજ અને અધિકાર છે અને અમે તે કરીશું.
આંતરરાષ્ટ્રીય સમર્થન માટે આહ્વાન
નેતન્યાહુએ મિસાઈલ હુમલાને ઈરાનની વ્યાપક વ્યૂહરચનાનો ભાગ ગણાવ્યો છે, જેના હેઠળ તે ઈઝરાયેલ વિરુદ્ધ અનેક મોરચે યુદ્ધને વધારવા માંગે છે. આ માટે તે લેબનોનમાં હિઝબુલ્લાહ અને ગાઝામાં હમાસ સહિત સમગ્ર મધ્ય પૂર્વમાં તેની 6 પ્રોક્સીઓનો ઉપયોગ કરી રહ્યું છે.
તેમણે કહ્યું કે, ઈઝરાયેલ ઈરાનની આગેવાની હેઠળની બર્બર શક્તિઓ સામે લડી રહ્યું છે, તમામ સભ્ય દેશોએ ઈઝરાયેલની સાથે મજબૂતીથી ઉભા રહેવું જોઈએ. તેમણે ઈરાન સામે ઈઝરાયેલની લડાઈમાં આંતરરાષ્ટ્રીય સમર્થનની હાકલ કરી હતી અને ઈઝરાયેલનો સાથ આપવાની વાત કરી હતી.
લાઈક અને ફોલો કરો અમારું ફેસબુક પેજ FACEBOOK - AAJKAALDAILY
ફોલો કરો અમારું ઇન્સ્ટાગ્રામ INSTAGRAM - AAJKAALDAILY
સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY
મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230
View News On Applicationમહારાજા કૃષ્ણકુમારસિંહજીની પ્રતિમાને શહેર ભાજપ દ્વારા પુષ્પાંજલિ અર્પણ કરાઈ
April 03, 2025 03:39 PMકુંભારવાડામાં લોખંડના ભંગારની દુકાનમાં ચોરી
April 03, 2025 03:37 PMCopyright © 2023-2024 Aajkaal Daily
Developed by Rhythm Infotech