મવડીમાં જીથરીયા હનુમાન મંદિર પાસે રહેતી અને ઘર પાસે જ બ્યુટીપાર્લર ચલાવનાર 48 વર્ષીય પરિણીતાએ ઝેર દવા પી જીવન ટૂંકાવી લીધું હતું.પરિણીતાએ ઝેર પીધા બાદ ગોંડલ રહેતાં બનેવીને છેલ્લા જય શ્રી કૃષ્ણ કરી બનાવની જાણ કરી હતી.પરિણીતાએ કયાં કારણસર આ પગલું ભરી લીધું તેનાથી પરિવારજનો અજાણ હોય પોલીસે આપઘાતનું કારણ જાણવા તપાસ હાથ ધરી છે.

આપઘાતના આ બનાવની જાણવા મળતી વિગતો મુજબ,રાજકોટના મવડીમાં જીથરીયા હનુમાન મંદિર પાસે આશિવર્દિ હોસ્પિટલ સામે રહેતાં ભાવનાબેન જગદીશભાઈ વસોયા (ઉ.વ.48) ઘર પાસે જ બ્યુટીપાર્લર ચલાવે છે. ગઈકાલે સાંજના સમયે તે પાર્લર પર હતી ત્યારે ઝેરી દવા પી લીધી હતી.બાદમાં તેના ગોંડલ રહેતાં બનેવી કમલેશભાઈને છેલ્લા જયશ્રી કૃષ્ણ કરી પોતે ઝેરી દવા પી લીધાની જાણ કરી હતી.ત્યારબાદ બનેવીએ મહિલાના પતિને જાણ કરી તેણીને ખાનગી હોસ્પિટલમાં સારવાર અર્થે ખસેડાતા ફરજ પરના તબીબે તેમને જોઇ તપાસી મૃત જાહેર કયર્િ હતાં. બનાવ અંગે હોસ્પિટલના સ્ટાફે તાલુકા પોલીસને જાણ કરતાં પીએસઆઈ બી. ડી.ઠાકોર સહિતનો સ્ટાફ દોડી હોસ્પિટલે દોડી ગયો હતો અને જરૂરી કાર્યવાહી કરી મૃતદેહને પીએમમાં ખસેડી તપાસ હાથ ધરી હતી.
બનાવની જાણવા મળતી વિગતો મુજબ,મૃતકના પતિ ડેરી ચલાવે છે. તેમજ મૃતકના ત્રીજા લગ્ન હોવાનું માલુમ પડયું છે.પરિણીતાએ કયાં કારણસર આ પગલું ભરી લીધું તેનાથી પરિવારજનો અજાણ હોય પોલીસે પરિણીતાના આપઘાતનું કારણ જાણવા તપાસ હાથ ધરી છે.