જામનગરમાં પટેલપાર્કમાં આવેલા સુપ્રસિઘ્ધ જડેશ્ર્વર મહાદેવના મંદિરમાં જડેશ્ર્વર મહાદેવ યુવા ગ્રુપ દ્વારા ગઇકાલે 800થી વધુ બાળકોને બટુક ભોજનનો કાર્યક્રમ યોજવામાં આવ્યો હતો, શ્રાવણ માસના પવિત્ર દિવસો દરમ્યાન દેવાધીદેવ જડેશ્ર્વર મહાદેવને વિવિધ શણગાર કરવામાં આવે છે અને આજુબાજુના વિસ્તારમાંથી હજારો લોકો મહાદેવને નમન કરવા આવે છે, દર વર્ષે યુવા ગ્રુપ દ્વારા અનેકવિધ કાર્યક્રમો યોજવામાં આવતાં હોય તેમના આ સેવાકીય કાર્યની પણ વિસ્તારમાં પ્રસંશા થઇ રહી છે, ગઇકાલે મોટી સંખ્યામાં બાળકોએ સામુહીક બટુક ભોજન લીધું હતું.