28મી જૂનના રોજ પૂરા થતા પખવાડિયામાં કોમર્શિયલ બેંકોની ડિપોઝિટ ગ્રોથ વધુ ધીમી પડી 10.64 % થઈ હતી, રિઝર્વ બેંક ઓફ ઈન્ડિયા દ્વારા બહાર પાડવામાં આવેલા તાજેતરના ડેટા દશર્વિે છે. આ સમયગાળા દરમિયાન ક્રેડિટ ગ્રોથમાં પણ ઘટાડો થયો હતો.
ડેટા અનુસાર, અનુસૂચિત વ્યાપારી બેંકોની ક્રેડિટ 28 જૂનના રોજ વાર્ષિક ધોરણે 13.88 ટકા વધીને રૂ. 163.8 ટ્રિલિયન થઈ છે. બેન્કોનો ડિપોઝિટ આધાર 10.64 % વધીને રૂ. 211.95 ટ્રિલિયન થયો છે. વૃદ્ધિના આંકડા એચડીએફસી બેન્ક સાથે એચડીએફસીના મર્જરની અસરને બાકાત રાખે છે, જે 1 જુલાઈ, 2023ના રોજથી અમલમાં આવી હતી.
14 જૂનના રોજ પૂરા થતા અગાઉના પખવાડિયામાં ડિપોઝિટ ગ્રોથ 12.1 % હતી જ્યારે આ સમયગાળા દરમિયાન ક્રેડિટ ગ્રોથ 15.6 % હતી. બેંકના ચીફ એક્ઝિક્યુટિવ્સ સાથેની તાજેતરની મીટિંગમાં, આરબીઆઇ ગવર્નર શક્તિકાંત દાસે ક્રેડિટ અને ડિપોઝિટ ગ્રોથ વચ્ચેના સતત તફાવતના મુદ્દાને ફ્લેગ કર્યો હતો. કેરએજ રેટિંગ્સે એક નોંધમાં જણાવ્યું હતું કે, બેંકો તેમની જવાબદારી ફ્રેન્ચાઈઝીને આગળ વધારવા માટે વધારાના પ્રયત્નો કરે તેવી અપેક્ષા રાખવામાં આવે છે અને એ સુનિશ્ચિત કરવામાં આવે છે કે ડિપોઝિટ ગ્રોથ ક્રેડિટની ખરીદીને અવરોધે નહીં. આ મહિનાની શરૂઆતમાં એક વિશ્લેષણમાં, જણાવાયુ હતું કે ક્રેડિટ ટુ ડિપોઝિટ રેશિયો સામાન્ય રીતે સપ્ટેમ્બર 2023 થી લગભગ 80 ટકાની આસપાસ રહેલો છે. એચડીએફસીના મર્જરથી મુખ્યત્વે આ વધારો થયો છે. જો આપણે મર્જરની અસરને બાકાત રાખીએ, તો 14 જૂન, 2024ના રોજ પૂરા થતા પખવાડિયા માટે સી ટુ ડી રેશિયો 16 જૂન, 2023ના 75.5%ની સરખામણીમાં 77.9% હતો.