પૂર્વ ભારતીય મહિલા રેસલર બબીતા ​​ફોગાટે બોલિવૂડ ફિલ્મ દંગલને લઈને મોટો ખુલાસો કર્યો છે. બોલિવૂડ ફિલ્મ દંગલ ગીતા અને બબીતા ​​ફોગાટના જીવનથી પ્રેરિત હતી. બબીતા ​​ફોગાટે જણાવ્યું કે દંગલ ફિલ્મે બોક્સ ઓફિસ પર જોરદાર કમાણી કરી હતી પરંતુ તેને મેકર્સ તરફથી નજીવી રકમ મળી હતી.

પૂર્વ ભારતીય મહિલા રેસલર બબીતા ​​ફોગાટે બોલિવૂડ ફિલ્મ દંગલને લઈને મોટો ખુલાસો કર્યો છે. આમિર ખાન સ્ટારર ફિલ્મ દંગલ ગીતા, બબીતા ​​અને તેમના પિતા મહાવીર ફોગાટની વાર્તાથી પ્રેરિત હતી. આ ફિલ્મે બોક્સ ઓફિસ પર સારી કમાણી કરી હતી.

કુસ્તીમાંથી નિવૃત્તિ લીધા પછી  બબીતા ​​ફોગાટે રાજકીય માર્ગ અપનાવ્યો અને ફિલ્મ દંગલની નાણાકીય વિગતો જાહેર કરીને ઘણા લોકોને આશ્ચર્યચકિત કર્યા. જાણકારી અનુસાર ફિલ્મ દંગલ એ 2000 કરોડ રૂપિયાથી વધુની કમાણી કરી હતી. જોકે બબીતા ​​ફોગાટે ખુલાસો કર્યો હતો કે તેના પરિવારને નિર્માતાઓ પાસેથી માત્ર 1 કરોડ રૂપિયા મળ્યા હતા.

બબીતા ​​ફોગાટને એક ઈન્ટરવ્યુમાં તેને પૂછવામાં આવ્યું હતું કે, "જો દંગલ 2,000 કરોડ રૂપિયા કમાઈ હતી, તો ફોગાટ પરિવારને માત્ર 1 કરોડ રૂપિયા મળ્યા?" આના પર બબીતા ​​ફોગાટે હા પાડી. જ્યારે તેમને પૂછવામાં આવ્યું કે શું ફોગાટ પરિવારને માત્ર 1 કરોડ રૂપિયા મળવાથી તે નિરાશ થયો છે? કારણ કે ફિલ્મે બોક્સ ઓફિસ પર આગ લગાવી હતી, ત્યારે બબીતાએ કહ્યું કે તેના પરિવારનો હેતુ પ્રેમ અને સન્માન મેળવવાનો છે.

બબીતા ​​​​ફોગાટે કહ્યું, "ના, પપ્પાએ એક વાત કહી હતી કે લોકોને પ્રેમ અને સન્માનની જરૂર છે." દંગલ ફિલ્મ 2016માં રિલીઝ થઈ હતી. આ ફિલ્મ બબીતા, તેની મોટી બહેન ગીતા અને તેના પિતા મહાવીર ફોગાટની વાર્તા પર આધારિત છે. આ ફિલ્મમાં બતાવવામાં આવ્યું કે કેવી રીતે મહાવીર ફોગાટે તેમની દીકરીઓને ઉચ્ચ કક્ષાની કુસ્તીબાજો બનાવી, જેમણે દેશ માટે ઘણા મેડલ જીત્યા.

બબીતાની કારકિર્દી

બબીતા ​​ફોગાટે 2010 કોમનવેલ્થ ગેમ્સમાં સિલ્વર મેડલ જીત્યો હતો. પછી 2014માં તેણે તેના પ્રદર્શનમાં સુધારો કર્યો અને ગોલ્ડ મેડલ જીત્યો. બબીતાએ 2012માં વર્લ્ડ રેસલિંગ ચેમ્પિયનશિપમાં બ્રોન્ઝ મેડલ જીત્યો હતો. બબીતા ​​2016 રિયો ઓલિમ્પિકમાં ભારતીય ટુકડીનો ભાગ હતી પરંતુ તે મેડલ જીતવામાં નિષ્ફળ રહી હતી. 2019માં બબીતાએ કુસ્તીમાંથી નિવૃત્તિ લીધી અને રાજકારણમાં તેની નવી ઇનિંગ શરૂ કરી.