શહેરના મવડી મેઇન રોડ પર વિશ્વેશ્વર મહાદેવ મંદિર પાછળ મારૂતિનંદન સોસાયટી પાસેથી એલસીબી ઝોન-2 ની ટીમે 25 બોટલ દારૂ સાથે બીબીએના વિદ્યાર્થીને ઝડપી લીધો હતો. વિદ્યાર્થી મોજશોખ પૂરા કરવા માટે અભ્યાસની સાથે દારૂનો વેપલો કરતો હોવાનું માલુમ પડ્યું છે. દારૂના આ દરોડાની જાણવા મળતી વિગતો મુજબ એલસીબી ઝોન-2 ના પીએસઆઇ આર એચ ઝાલાની રાહબરી હેઠળ એએસઆઈ જે.વી.ગોહિલ કોન્સ્ટેબલ શક્તિસિંહ ગોહિલ તથા ટીમ પેટ્રોલિંગમાં હતી દરમિયાન મળેલી બાતમીના આધારે મવડી મેઇન રોડ પર વિશ્વેશ્વર મહાદેવ મંદિર પાછળ મારૂતિનંદન સોસાયટી શેરી નંબર 3 બાપાસીતારામ મઢુલી પાસેથી એક શખસને દારૂની 24 બોટલ સાથે ઝડપી લીધો હતો પોલીસે આ શખસની પૂછતાછ કરતા તેનું નામ મુકુંદ મહેશભાઈ કવા(ઉ.વ 19 રહે. સુદામા હાઇટ્સ, મવડી) હોવાનું માલુમ પડ્યું હતું.પોલીસે આ શખસ પાસેથી 25 બોટલ દારૂ કિ. રૂ 6,480 નો મુદામાલ કબજે કર્યો હતો. પોલીસે જણાવ્યું હતું કે, મુકુંદ શહેરની હરિવંદના કોલેજમાં બીબીએમાં અભ્યાસ કરે છે.તે મોજશોખ પૂરા કરવા માટે અભ્યાસની સાથે દારૂનો વેપલો કરતો હોવાનું માલુમ પડ્યું છે.