શહેરના ગોંડલ રોડ પર માલધારી ફાટક પાસેથી પોલીસે શાપરમાં રહેતા કાર લે વેચના ધંધાર્થીને ઝડપી લીધો હતો. પોલીસે તેની પૂછતાછ કરતા તેણે આ કાર ત્રણ દિવસ પૂર્વે આજીડેમ ચોકડી પાસેથી ચોરી કરી હતી. આ કારનો સોદો તેણે જ કરાવ્યો હોય પરંતુ બાદમાં બંને વચ્ચે કોઈ બાબતે માથાકૂટ થતાં કાર માલિકને સબક શીખવવા માટે તેણે કાર ચોરી કરી આવાવ સ્થળે છુપાવી દીધી હતી.
જાણવા મળતી વિગતો મુજબ, આજીડેમ પોલીસ મથકના પીઆઇ પીઆઇ એ.બી.જાડેજાની રાહબરી હેઠળ પીએસઆઇ જે.જી.રાણા તથા તેમની ટીમ પેટ્રોલિંગમાં હતી દરમિયાન કોન્સ્ટેબલ ગોપાલભાઈ બોળીયા અને હરપાલસિંહ જાડેજાને મળેલી બાતમીના આધારે ગોંડલ રોડ પર માલધારી ફાટક પાસે પુલ નીચેથી ચોરાવ હત્પન્ડાઈ એસેન્ટ કાર નંબર જેજે ૩ ડિજી ૮૫૮૨ સાથે પોલીસે હાર્દિક છગનભાઈ રાઠોડ(ઉ.વ ૨૦ રહે. શાંતિધામ સોસાયટી શેરી નંબર ૧૬, શાપર વેરાવળ રાજકોટ) ને ઝડપી લીધો હતો.
પોલીસે પિયા પોણા લાખની કિંમતની આ કાર કબજે કરી પૂછતાછ કરતા તેણે કબુલાત આપી હતી કે, આજથી ત્રણ દિવસ પૂર્વે તેણે આ કાર આજીડેમ ચોકડી પાસે માંડાડુંગર વિસ્તારમાંથી ચોરી કરી હતી. જે અંગે કાર માલિક ધર્મેશભાઈ રેણુકા દ્રારા આજીડેમ પોલીસ સ્ટેશનમાં ફરિયાદ નોંધાવવામાં આવી હતી.
આરોપી કાર લે વેચનો ધંધાર્થી હોય તેણે જ ધર્મેશભાઈને આ કારનો સોદો કરાવ્યો હતો. પરંતુ બાદમાં બંને વચ્ચે કોઈ બાબતે માથાકૂટ થતાં તે ધર્મેશભાઈને સબક શીખવવા માંગતો હોય જેથી કારની ચોરી કરી અવાવ જગ્યાએ છુપાવી દીધી હતી.
લાઈક અને ફોલો કરો અમારું ફેસબુક પેજ FACEBOOK - AAJKAALDAILY
ફોલો કરો અમારું ઇન્સ્ટાગ્રામ INSTAGRAM - AAJKAALDAILY
સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY
મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230
View News On Applicationમહારાજા કૃષ્ણકુમારસિંહજીની પ્રતિમાને શહેર ભાજપ દ્વારા પુષ્પાંજલિ અર્પણ કરાઈ
April 03, 2025 03:39 PMકુંભારવાડામાં લોખંડના ભંગારની દુકાનમાં ચોરી
April 03, 2025 03:37 PMCopyright © 2023-2024 Aajkaal Daily
Developed by Rhythm Infotech