પેરિસ ઓલિમ્પિક્સના ઉદઘાટન સમારોહના થોડા કલાકો પહેલાં, ફ્રાન્સની હાઇ-સ્પીડ રેલ નેટવર્ક ખોરવાઈ ગયુ. અહેવાલો અનુસાર રેલવે લાઇન પર આગચંપી કરવામાં આવી હતી. આ દૂષિત કૃત્યથી વાહનવ્યવહાર વ્યવસ્થાને અસર થઈ છે. ફ્રાન્સની રાજધાની પેરિસમાં આજથી (26 જુલાઈ)થી ઓલિમ્પિક શરૂ થઈ રહ્યું છે.

ફ્રેન્ચ ટ્રેન ઓપરેટર કંપની SNCFએ આજે પેરિસ ઓલિમ્પિકના ઉદ્ઘાટન સમારોહ પહેલા આ સમગ્ર મામલાની જાણકારી આપી હતી. ટ્રેન ઓપરેટર SNCFએ જણાવ્યું હતું કે ફ્રાન્સના હાઇ-સ્પીડ રેલ નેટવર્ક પર આગચંપી દ્વારા હુમલો કરવામાં આવ્યો હતો. જેના કારણે સમગ્ર વાહનવ્યવહાર વ્યવસ્થા બિનઅસરકારક બની હતી.

કેસની તપાસ કરી રહેલા એક સૂત્રએ જણાવ્યું હતું કે આ દરમિયાન તોડફોડ કરવાનો પ્રયાસ કરવામાં આવ્યો હતો જે TGV. નેટવર્ક (TurboTrain à Grande Vitesse) ને તોડવા માટે આ એક મોટા પાયે હુમલો છે. જેના કારણે અનેક રૂટ કેન્સલ કરવા પડ્યા હતા.

"SNCF રાતોરાત એક સાથે અનેક દૂષિત કૃત્યોનો શિકાર બની હતી," રેલ ઓપરેટરે જણાવ્યું હતું. આ હુમલાઓથી ટ્રેન લાઇનની એટલાન્ટિક, ઉત્તરીય અને પૂર્વીય રેખાઓ પ્રભાવિત થઈ હતી.

ઓપરેટરે વધુમાં જણાવ્યું હતું કે ટ્રેનની સુવિધાઓને નુકસાન પહોંચાડવા માટે આગ લગાડવામાં આવી હતી. નિવેદનમાં કહેવામાં આવ્યું છે કે ટ્રેનોને અલગ-અલગ ટ્રેક પર મોકલવામાં આવી રહી છે, જ્યારે મોટી સંખ્યામાં ટ્રેનોને રદ કરવી પડી છે.

SNCF એ મુસાફરોને તેમની મુસાફરી મુલતવી રાખવા અને ટ્રેન સ્ટેશનોથી દૂર રહેવા વિનંતી કરી છે. આ હુમલાઓ પેરિસમાં ઓલિમ્પિક સમારોહની તૈયારીઓ દરમિયાન કરવામાં આવ્યા હતા, જેમાં 7,500 એથ્લેટ, 300,000 દર્શકો અને VIP સામેલ હશે.

8 લાખ રેલવે મુસાફરોને થઈ અસર

SNCF ગ્રુપના પ્રમુખે કહ્યું કે 8 લાખ ટ્રેન મુસાફરોને અસર થઈ છે. તેમણે વધુમાં જણાવ્યું હતું કે ઓલિમ્પિક ગેમ્સ માટે નેટવર્ક તૈયાર હતું, પરંતુ હવે તેઓ નેટવર્કને શક્ય તેટલી વહેલી તકે રિપેર કરવા માટે સેંકડો કર્મચારીઓને એકત્રિત કરવાનું વિચારી રહ્યા છે.

લંડન અને પેરિસ વચ્ચેની રેલ સેવા પણ ખોરવાઈ ગઈ

અહેવાલ મુજબ, યુરોસ્ટાર (રેલ્વે કંપની) એ જણાવ્યું હતું કે તોડફોડની ઘટનાઓને કારણે લંડન અને પેરિસ વચ્ચેની સેવાઓ ખોરવાઈ ગઈ છે, જેના પરિણામે ઘણી ટ્રેનો રદ થઈ છે અને મુસાફરીનો સમય વધી ગયો છે.

યુરોસ્ટારે એક નિવેદનમાં કહ્યું - ફ્રાન્સમાં બનેલી આ ઘટનાને કારણે પેરિસ અને લિલી વચ્ચેની હાઇ સ્પીડ લાઇનને અસર થઈ છે. પેરિસ આવતી-જતી તમામ હાઇ સ્પીડ ટ્રેનોને આજે (શુક્રવાર, જુલાઈ 26) ક્લાસિક લાઇન દ્વારા ડાયવર્ટ કરવામાં આવી રહી છે. જેના કારણે મુસાફરીના સમયમાં લગભગ દોઢ કલાકનો વધારો થયો છે.

ટ્વીટ

ફ્રાન્સના પરિવહન પ્રધાન પેટ્રિસ વેગ્રિએટે ટ્વિટર પર એક પોસ્ટમાં જણાવ્યું હતું કે તેઓ "આ ગુનાહિત ઘટનાઓની સખત નિંદા કરે છે, અને SNCF ટ્રાફિક પુનઃસ્થાપિત કરવા માટે કામ કરી રહી છે."

ઉદઘાટન સમારોહ દરમિયાન વાતાવરણમાં પલટો આવી શકે

સીન નદી પર પેરિસ ઓલિમ્પિકના ઉદ્ઘાટન સમારોહ દરમિયાન હવામાનમાં પલટો થઈ શકે છે. કારણકે હવામાન વિભાગે શુક્રવારે વરસાદની આગાહી કરી છે.

ફ્રાન્સના હવામાન વિભાગે મેટિયો ફ્રાન્સે આગાહી કરી છે કે બપોર પછી હવામાન સાફ થઈ જશે પરંતુ જ્યારે સમારંભ થવાનો છે ત્યારે સાંજે વરસાદ પડી શકે છે. વરસાદ પડે તો પણ સમારંભ સમયપત્રક મુજબ ચાલશે.

સામાન્ય રીતે  ખેલાડીઓ પરંપરાગત રીતે પરેડ કરીને સ્ટેડિયમમાં પ્રવેશ કરે છે  પરંતુ પેરિસ ઓલિમ્પિકમાં, 10,500 એથ્લેટ સીન નદી પર છ કિલોમીટરની પરેડમાં 90 થી વધુ બોટ પર સવારી કરશે. આ સમય દરમિયાન, સેંકડો દર્શકો તેમને પ્રોત્સાહિત કરવા માટે સીન નદીના કિનારે હાજર રહેશે.