દિલ્હીને આજે નવા મુખ્યમંત્રી મળ્યા છે. આતિશીએ દિલ્હીના આઠમા મુખ્યમંત્રી તરીકે શપથ લીધા છે. શીલા દીક્ષિત, સુષ્મા સ્વરાજ પછી મુખ્ય પ્રધાનની ખુરશી પર બેસનાર ત્રીજી મહિલા બન્યા છે, એલજી વીકે સક્સેનાએ તેને પદ અને ગુપ્તતાના શપથ લેવડાવ્યા છે. હવે આતિશી દિલ્હીના સૌથી યુવા મુખ્યમંત્રી બની ચુક્યા છે.
તેણે દોઢ વર્ષમાં બીજી વખત શપથ લીધા છે. આ પહેલા 23 માર્ચે મનીષ સિસોદિયા એક્સાઇઝ કૌભાંડમાં જેલમાં ગયા બાદ તેમણે મંત્રી તરીકે શપથ લીધા હતા. તેણી કાલકાજીમાં પ્રથમ વખત ધારાસભ્યની ચૂંટણી લડ્યા અને જીત્યા હતા. પરંતુ તેની સમજણ અને વફાદારીથી તેણી તેના ઉપરી અધિકારીઓને પાછળ છોડીને આ પદ પર પહોચ્યા છે.
પાર્ટીના વડા અરવિંદ કેજરીવાલે તેમના પર વિશ્વાસ કર્યો છે. વાસ્તવમાં, જ્યારે કેજરીવાલ ગયા માર્ચમાં જેલમાં ગયા હતા, ત્યારે આતિષી પાર્ટી માટે આગળ આવ્યા હતા. તેમણે દરેક સંકટ સમયે પ્રેસ કોન્ફરન્સ કરીને પાર્ટીને બચાવવાનો પ્રયાસ કર્યો છે.
આતિશીની સાથે પાંચ મંત્રીઓએ પણ શપથ લીધા હતા. આતિશીના કેબિનેટમાં ગોપાલ રાય, સૌરભ ભારદ્વાજ, કૈલાશ ગેહલોત અને ઈમરાન હુસૈન ઉપરાંત નવા ચહેરા તરીકે મુકેશ અહલાવતનો સમાવેશ થાય છે.
આતિશીના મુખ્યમંત્રી બનવાથી આ પદ ખાલી થઈ રહ્યું છે. એવું કહેવામાં આવી રહ્યું છે કે મંત્રીઓના પોર્ટફોલિયોમાં ફરી એકવાર ફેરફાર થઈ શકે છે. કેબિનેટમાં નવા ચહેરા મુકેશ અહલાવતને રાજ કુમાર આનંદ કરતાં ઓછો પોર્ટફોલિયો આપવામાં આવી શકે છે. વિધાનસભાની ચૂંટણી પણ પાંચ મહિનામાં યોજાવાની છે અને અહલાવતને સિસ્ટમ સમજવામાં સમય લાગશે. આવી સ્થિતિમાં તેમના પર કામનું દબાણ ઓછું થઈ શકે છે.