ઉનાળાના આગમનની છડી પોકારતા હવામાન વચ્ચે રાજકોટ માર્કેટ યાર્ડના શાકભાજી વિભાગમાં આજે વહેલી સવારે થયેલી હરરાજીમાં કાચી કેરીનું આગમન થયું હતું.
રાજકોટ માર્કેટ યાર્ડના શાકભાજી વિભાગના વેપારી અશોકભાઇ ડોબરીયાએ જણાવ્યું હતું કે ગ્રીન સલાડ તરીકે વપરાશમાં લેવાતી કાચી તોતા કેરીની આજે સીઝનની પહેલી આવક થઇ હતી અને હરાજીમાં પ્રતિ કિલો દીઠ .૭૦થી ૮૦ના હોલસેલ ભાવે સોદા થયા હતા. હવામાન અનુકૂળ રહેતા આ વર્ષે કેરીનો પાક સારો આવશે તેવી ખેડૂતોને આશા છે.
વિશેષમાં યાર્ડના સૂત્રોએ જણાવ્યું હતું કે હાલ તમામ શાકભાજીની ભરપુર આવક થઇ રહી હોય ભાવ તળિયે પહોંચી ગયા છે. ખાસ કરીને મહાશિવરાત્રીએ ફરાળમાં વપરાશમાં લેવાતા સક્કરિયાની ધૂમ આવક શ થઇ છે જેમાં અમરેલી જિલ્લામાંથી સફેદ સક્કરિયા અને ખંભાતથી લાલ સક્કરિયાની આવક થઇ રહી છે. આજની હરાજીમાં સફેદ સક્કરીયા .૧૫થી ૧૬ના કિલો અને લાલ સક્કરિયા ૧૮થી ૨૦ના કિલોના ભાવે વેંચાયા હતા.