રાજસ્થાનના હનુમાનગઢ ભારત-પાકિસ્તાન બોર્ડર પાસે એરફોર્સનું મિગ-21 ક્રેશ થયું છે. ટેક ઓફ થયાના 15 મિનિટ બાદ જ ટેકનિકલ ખામી સર્જાતા પાયલોટે વિમાન પરથી નિયંત્રણ ગુમાવી દીધું હતું. દુર્ઘટના પહેલા બંને પાયલોટ વિમાનમાંથી બહાર નીકળી ગયા હતા. જો કે પ્લેન રહેણાંક વિસ્તારમાં પડી જતાં બે ગ્રામજનોના મોતના સમાચાર સામે આવ્યા છે.

મળતી માહિતી મુજબ, વિમાને સુરતગઢ એરબેઝ પરથી ઉડાન ભરી હતી. આ દુર્ઘટના ટેકઓફની 15 મિનિટ બાદ જ બની હતી. પ્લેન એક રહેણાંક વિસ્તારમાં ક્રેશ થયું છે. પાયલોટ અને કો-પાયલોટ વિમાન દુર્ઘટનાગ્રસ્ત થતા વિમાનમાંથી કુદી ગયા હતા જેથી બંનેનો આબાદ બચાવ થયો છે